calendar 16 Apr 15:31
eye 9
comments 0
comments Manba: qalampir

Durov va Milner kabi millarderlar "rossiyalik" nomidan tonmoqda – "Forbes"

image
image

Rossiya Federatsiyasi bilan aloqador bir qator tadbirkorlar "Forbes" jurnali noshirlaridan ularni "rossiya ishbilarmonlari" deb atamaslikni so'ragan. Ular orasida VKontakte va Telegram asoschisi Pavel Durov ham bor. Bu haqda nashrning o'zi maʻlum qildi.

"Pavel ko'p yillar oldin Rossiyani tark etgan va qaytib kelmaydi", degan Durovning vakili "Forbes"ga.

Pavel Durov Sankt-Peterburgda tug'ilgan va so'nggi yillarda Dubayda yashaydi. 2021 yilda u Frantsiya fuqaroligini oldi, shuningdek, Sent-Kits va Nevis pasportiga (Karib dengizining sharqiy qismidagi orol davlati) ega.

Rossiya bilan bog'lanishni istamaydigan boshqa ishbilarmonlar orasida:

• Aka -uka Igor va Dmitriy Buxmanlar ham bor. Ular 2004 yilda Vologdada mobil o'yinlar ishlab chiqaruvchi "Playrix" kompaniyasiga asos solgan va 2013 yilda biznesini Irlandiyaga ko'chirgan. 2016 yilda aka-uka Isroilga ketgan, hozir esa Londonda yashaydi.

• "Revolut " asoschilaridan biri Nik Storonski Rossiyada tug'ilib o'sgan, 20 yoshida boshqa davlatga ketgan. Uning vakili tadbirkor Britaniya fuqarosi ekanligini aytgan.

• Evgeniy Shvidler — Roman Abramovichning sherigi va "Millhouse" investitsiya kompaniyasi rahbari. Biznesmenning nomi oshkor etilmagan "hamrohi" "Forbes"ga janob Shvidler Rossiya Federatsiyasi fuqarosi emas va hyech qachon bo'lmaganligini aytgan. Tadbirkor Ufada tug'ilgan, ammo hyech qachon Rossiya pasportiga ega bo'lmagan. 1994 yilda AQSh fuqarosi, 2010 yilda Britaniya fuqaroligini olgan.

• Investor Leonard Blavatnik. Asli Ukraina SSRda tug'ilgan, 1978 yil 21 yoshida AQShga ketgan. "Forbes"ning taʻkidlashicha, tadbirkor Viktor Vekselberg bilan hamkorlikda boyib ketgan. Jurnalga ko'ra, Blavatnik "Warner Music", "LёndellBasell" neft-kimyo kompaniyasi va "Tory Burч" yorlig'iga sarmoya kiritgan hamda Stenford, Garvard va Oksford universitetlariga katta miqdorda xayriya qilgan. Uning matbuot kotibi aytishicha, tadbirkor rus emas va hyech qachon oligarx bo'lmagan. U AQSh va Buyuk Britaniya fuqaroligiga ega. 

• Yuriy Milner — "Forbes" tomonidan "Rossiyadagi eng kuchli texnologiya investori" deb taʻriflangan. Moskvada tug'ilgan. Uning veb-saytida u 1999 yildan beri Isroil fuqarosi ekanligi aytilgan. 2014 yildan beri Kaliforniyada yashaydi. Shundan keyin u Rossiyada bo'lmagan va mamlakatda hyech qanday mol-mulki yo'q.

Maʻlumot uchun, ko'plab rossiyalik ishbilarmonlar Rossiyaning Ukrainadagi harbiy amaliyoti tufayli Evropa Ittifoqi davlatlari va AQShning sanktsiyalari ostida qoldi. Sanktsiyalar doirasida tadbirkorlarning barcha aktivlari muzlatiladi. Alfa-bankning qora ro'yxatiga kiritilgan asoschisi Mixail Fridman hatto farroshga ham puli yo'qligidan shikoyat qildi. Kreml rossiyalik tadbirkorlarga qarshi barcha cheklovlarni banditizm deb atadi.


Doʻstlaringiz bilan ulashing

19 Jan 18:00
 
30
0
qalampir.uz

Turkiyaning birinchi astronavti kosmosga uchdi

Amerikadagi SpaceX xususiy kompaniyasi Crew Dragon kosmik kemasini birinchi marta Turkiya fuqarosi bo‘lgan sayyohlar ekipaji bilan Xalqaro kosmik stansiyaga uchirdi. Bu haqda SpaceX matbuot xizmati xabar berdi. “Crew Dragon kecha, 18 yanvar kuni Sharqiy qirg‘oq vaqti bilan soat 16:49 da Falcon 9 raketasi yordamida NASA'ning Floridadagi Kennedi kosmik markazidan uchirildi”, deyiladi xabarda.  Parvoz uchun har biri 50 million yevro to‘lagan sayyohlar koinot

29 Jan 10:28
 
34
0
qalampir.uz

Vazir boshchiligidagi minglab odamlar Madridda Falastinni qo‘llab namoyishga chiqdi (foto)

Minglab namoyishchilar kecha, 27 yanvar kuni Madridda falastinliklarni qo‘llab-quvvatlash va G‘azo sektoridagi genotsidni to‘xtatishni talab qilib ko‘chalarni to‘ldirdi. Bu haqda “Que Pasa media” nashri ma’lum qildi. Namoyish Ispaniya hukumatiga Falastin tinch aholiga qarshi hujumlarni to‘xtatishda ko‘proq harakat qilish uchun bosim o‘tkazishda davom etishini so‘rab Ispaniya bo‘ylab faollarni jalb qildi. Ispaniyaning Birlashgan chap (IU) partiyasi a’

09 Jan 12:40
 
31
0
qalampir.uz

Texasdagi mehmonxonada yuz bergan portlash oqibatida 21 kishi jabrlandi

AQSHning Texas shtatidagi Fort-Uert shahridagi Sandman mehmonxonasida gaz portlashi oqibatida 21 kishi jabrlandi. Bu haqda “Reuters” xabar berdi. Taxminlarga ko‘ra, portlashga gaz sizib chiqishi sabab bo‘lgan bo‘lishi mumkin. Fort-Uert yong‘in xavfsizligi departamenti vakili Kreyg Troyachekning aytishicha, birinchi yordam xodimlari vayronalar ostida qolgan bir necha kishini qutqargan. “21 jabrlanuvchidan birining ahvoli og‘ir, yana to‘rt nafari hayot uchun x