^{Foto: elements.envato.com}
Gonkong universiteti saytida koronavirus «omikron» shtammining elektron mikroskopdan olingan tasviri chop etildi. Bu haqda Sputnik radiosi xabar berdi.

Maʻlum qilinishicha, universitetning tibbiyot fakulteti olimlari, jumladan, patologiya va virusologiya sohasi mutaxassislari SARS-CoV-2 ning «omikron» shtammi bilan infektsiyalangan maymunning buyragidagi Vero E6 hujayrasining elektron mikrografiyasini olishga muvaffaq bo'lgan.

Universitet saytida shtammning uzoqroqdan olingan va kattalashtirilgan tasvirlari chop etildi.

^{Foto:Li Ka Шing Faculty of Medicine. The University of Hong Kong}
Tadqiqotchilarning aniqlik kiritishicha, uzoqroqdan olingan mikrografiyada hujayralarning mayda qora virusli zarrachalardan iborat pufakchalar bilan zararlanganini ko'rish mumkin. Kattalashtirilgan fotosuratda esa virusli zarrachalar agregatlari, ularning yuzasidagi tojsimon tikanlar ko'rinadi.

Koronavirusning yangi «omikron» shtammi birinchi marta 11 noyabr kuni Janubiy Afrikada topilgan. Britaniyalik olimlarning taʻkidlashicha, yangi shtamm tarqalish tezligi tufayli avvalgilariga, jumladan, deltaga qaraganda xavfliroq bo'lishi mumkin. Jahon sog'liqni saqlash tashkiloti mavjud vaktsinalar ushbu shtammga qarshi samarasiz bo'lishi mumkin, degan shubhalar tufayli «omikron»ni xavfli deb tan oldi. Tashkilot, shuningdek, ilgari koronavirusni boshdan o'tkazganlarda «omikron» bilan qayta kasallanish ehtimoli yuqoriligini maʻlum qildi.

Ochiq manbalardan olingan maʻlumotlarga ko'ra, «omikron» shtammi 45 dan ortiq mamlakat va hududlarda qayd etilgan. "Zamin" yangiliklarini "Odnoklassniki"da kuzatib boring