Bird photographer of the year fototanlovining 2021-yilgi final ishtirokchilari tanlab olindi. Bu haqda tanlovning saytida ma’lum qilingan, deb yozadi “Korrespondent.net”.

Ma’lum qilinishicha, tanlovda g‘olib deb topilgan ishtirokchi 5 ming funt sterling (6870 dollar) miqdorda pulga sazovor bo‘ladi va “Yil fotografi”, deb topiladi.

Ishlar 73 ta mamlakat ishtirokchilari tomonidan taqdim qilingan 22 ming surat orasidan tanlab olingan. Tanlov g‘oliblari 2021-yilning 1-sentabr kuni e’lon qilinadi.

Ma’lumot uchun, tabiat va atrof-muhitni himoya qiluvchi mahalliy loyihalarni qo‘llab-quvvatlash maqsadida tashkil qilingan BPOTY tanlovi bu yil oltinchi marta o‘tkazilmoqda.

Avvalroq, World Photography Awards 2021-yil tanlovida ishtirok etayotgan eng yaxshi suratlar e’lon qilgani haqida xabar berilgandi.