Qishki qalin va qo‘pol liboslardan charchagan ayol-qizlar, bahorda har doimgidan ham boshqacharoq ko‘rinish, tamoman boshqacha imijga ega bo‘lmoqchi bo‘ladi. O‘zgarishga qaror qilgan, ammo ishni nimadan boshlashni bilmayotganlar uchun esa multfilmlardagi malikalardan ilhomlanish tavsiya qilinadi.

Ariel

Arielniki singari ayollarga xos jozibali ko‘rsatadigan och ko‘k libos nafaqat kundalik sayrlar, balki restoranga borish uchun ham ayni muddao. Yenglari keng va belga urg‘u beradigan bluzkaga moslangan keng yubka atrofdagilarni bee’tibor qoldirmasligi aniq. Oyoq kiyim sifatida baletka tanlash va sochlarni bog‘ichli zakolka bilan yig‘ish obrazni esda qolarli bo‘lishiga sababchi bo‘ladi.

Rapunsel

Rapunsel uslubida kiyinish uchun yenglari fonar shaklidagi och pushti rangli libos ustidan xuddi shu rangdagi korset kiying. Noodatiy poyabzal va aksessuarlar bilan obrazni yakunlang.

Zolushka

Zolushka uslubida kiyinish restoran yoki teatrlarga borish yoki bahorda shunchaki sayr qilish uchun ham a’lo variant. Buning uchun keng bichimli libos, atlas matodan tikilgan qo‘lqoplar bilan minimal uslubdagi taqinchoqlardan foydalaning.

Mulan

Mulan uslubida kiyinish ayniqsa, kundalik obrazlar uchun yaxshi tanlov. Mosh rang kurtka bilan qora charm etik va yupqa sviterni moslab bemalol kechki salqindagi sayrlarga chiqishingiz mumkin.

Bell

Sohibjamol Bell uslubida kiyinish uchun esa yoqalari keng bo‘lgan bluzka ustidan jinsi matoli ko‘ylak yoki sarafan kiying. Qulay baletka kiyish va romantik ko‘rinishingizga sabab bo‘ladigan taqinchoq taqishni unutmang.

Pokaxontas

Jasur Pokaxontas singari kiyinish uchun, yelkaning bir tomoni yopiq turadigan ko‘ylak ustidan qalin kamar taqing. Qulay poyabzal va olovrang toshli zanjir sizni boshqalardan ajralib turishingizga sababchi bo‘ladi.