Ichki ishlar vaziri oʻrinbosari Doniyor Kadirov prezident maslahatchisiga oʻrinbosar boʻldi

Ulugʻbek Shuxratovich Tashxodjayev boshqa ishga oʻtishi munosabati bilan Oʻzbekiston Respublikasi Prezidentining huquqni muhofaza qiluvchi va nazorat organlari faoliyatini muvofiqlashtirish masalalari boʻyicha maslahatchisi oʻrinbosari lavozimidan ozod etildi.

Bu haqda Prezident Matbuot xizmati xabar berdi.

Prezidentining huquqni muhofaza qiluvchi va nazorat organlari faoliyatini muvofiqlashtirish masalalari boʻyicha maslahatchisi oʻrinbosari lavozimiga Doniyor Baxtiyorovich Kadirov tayinlandi va shu munosabat bilan u Oʻzbekiston Respublikasi ichki ishlar vazirining transport va turizm obyektlarida xavfsizlikni taʼminlash boʻyicha oʻrinbosari lavozimidan ozod etildi.