calendar 29 Jan 19:10
eye 13
comments 0
comments Manba: daryo

Toshkentda Prezident sovg‘a qilgan xonadonga 10 ming dollar evaziga kadastr hujjati rasmiylashtirib berishni va’da qilgan shaxslar ushlandi

image

Toshkentda uy-joy uchun qalbaki kadastr hujjati tayyorlagan shaxslar ushlandi, deb xabar bermoqda IIV matbuot xizmati.

Foto: IIV matbuot xizmati

Ma’lum bo‘lishicha, 23-yanvar kuni fuqaro G.N. IIVga ariza bilan murojaat qilgan. Unda aytilishicha, pul zarurligi tufayli u Toxir va Gulmira ismli shaxslardan 10 ming dollar qarzdor bo‘lib qolgan. Biroz vaqt o‘tgach ular bergan qarzlarini foizi bilan 17 300 dollar qilib qaytarib berishini talab qilgan.

G.N. buncha pul topolmagach Toxir va Gulmira unga yashash xonadonini sotib, pullarni berishini talab qilgan. U esa ushbu xonadon ularga ko‘p bolali oila bo‘lishgani uchun Prezident sovg‘asi sifatida berilganini, uyning kadastr hujjatlari hali rasmiylashtirilmaganini aytgan.

Bundan foydalangan Toxir va Gulmira firibgarlik yo‘li bilan mo‘may daromadni qo‘lga kiritish maqsadida til biriktirib, unga uy uchun kadastr hujjatini tayyorlab berishlarini aytishgan. So‘ngra uyning kadastr hujjatini 10 ming dollar evaziga Mirobod tumani hokimiyatidagi tanishlari orqali rasmiylashtirishganini aytib, ushbu pullarni ham qo‘shib, jami 27 300 dollar berishni talab qilgan.

Mazkur arizaga asosan, shu kuni IIV JQBB Korrupsiya va iqtisodiy jinoyatlarga qarshi kurashish boshqarmasi xodimlari tomonidan o‘tkazilgan tezkor tadbir davomida fuqarolar U.T. va A.G. Yakkasaroy tumanidagi kafelardan birida ariza muallifi G.N.dan 27 300 dollarni olib, unga soxta kadastr hujjatini berayotgan vaqtda ashyoviy dalillar bilan ushlangan.

Ko‘rilgan choralar natijasida U.T. ushbu qalbaki hujjatni o‘ziga tegishli noutbukda yasagani aniqlanib, noutbuk ashyoviy dalil sifatida olingan.

Holat yuzasidan Bosh prokuratura huzuridagi Iqtisodiy jinoyatlarga qarshi kurashish departamenti Yakkasaroy tumani bo‘limi tomonidan Jinoyat kodeksining 168-moddasi 2-qismi “b” bandi (bir guruh shaxslar tomonidan oldindan til biriktirib firibgarlik sodir etish), 28,211-moddasi 1-qismi (pora berish) va 228-moddasi 1-qismi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari olib borilmoqda.


Doʻstlaringiz bilan ulashing

12 Feb 17:12
 
32
0
xs.uz

Eng koʻp kartoshka Samarqand viloyatida yetishtiriladi

Kartoshka yetishtirishda umumiy hajmda eng yuqori ulush Samarqand viloyati (20,3 foiz) hissasiga toʻgʻri kelgan.Shuningdek, Andijon (12,2 %), Toshkent (10,8 %) va Fargʻona (10,4 %) viloyatlarida ham kartoshka yetishtirishning yuqori koʻrsatgichlari qayd etilgan.

12 Feb 17:12
 
28
0
xs.uz

Eng koʻp kartoshka Samarqand viloyatida yetishtiriladi

Kartoshka yetishtirishda umumiy hajmda eng yuqori ulush Samarqand viloyati (20,3 foiz) hissasiga toʻgʻri kelgan.Shuningdek, Andijon (12,2 %), Toshkent (10,8 %) va Fargʻona (10,4 %) viloyatlarida ham kartoshka yetishtirishning yuqori koʻrsatgichlari qayd etilgan.

13 Feb 22:03
 
142
0
xs.uz

Qishloq xoʻjaligi mahsulotlari hajmi 426,3 trln soʻmni tashkil etgan

Bu koʻrsatkich 2022-yil bilan solishtirilganda 4,1 % ga oshgan.2023-yilda yetishtirilgan dehqonchilik mahsulotlari hajmi:' Don mahsulotlari ' 8,4 mln tonna;' Kartoshka ' 3,6 mln tonna;' Sabzavotlar ' 11,6 mln tonna;' Poliz ekinlari ' 2,4 mln tonna;' Meva va rezavorlar ' 3,1 mln tonna;' Uzum ' 1,7 mln tonna.

07 Mar 20:13
 
24
0
xs.uz

Lavanda oʻsimligini Xatirchida yetishtirish va qayta ishlash loyihalari muhokama qilindi

Unda lavanda oʻsimligining Xatirchi tumanidagi boʻsh turgan yer maydonlarini oʻzlashtirgan holda innovatsion usulda yetishtirish va qayta ishlash boʻyicha loyihalar muhokama qilindi. Shuningdek, ishtirokchilarga tuman iqlim sharoitiga mos boʻlgan anjir, naʼmatak kabi dorivor oʻsimliklarni yetishtirish va undan yuqori daromad olish boʻyicha maʼlumot berildi.' Lavanda parfyumeriya sanoati uchun qimmatli xom ashyo sanalib, tarkibi 1,2 ' 2,3 foizga qadar efir moyiga ega boʻlgan butasimon o