"Putin qasri" ko'rinishi qanday? – reportaj

TOShKENT, 29 yanv — Sputnik. Aleksey Navalniy eʻlon qilgan materialda aytilgan - Gelendjikdagi "qasr" - qurilishning nol bosqichida. Maш Telegram-kanal jurnalistlari reportaj tayyorladi.

"Qars oldiga kelgan odamlarni eshiksiz parad kirish joyi kutib oladi - bu yerda eshik yo'q. Qishki saroy toji aks etgan podshoh burguti haykali ham yo'q. Joyni tasvirlash juda oddiy - bu bitta katta beton. Aslida hamma narsa qurilishning nol bosqichida", - deyilgan materialda.

Jurnalistlarga 6 yildan beri qasr qurilishini kuzatib borgan texnik nazorat vakili hamrohlik qildi. Muxbirlar 16 ta bir xil xonani ko'rishga muvaffaq bo'lishdi: "betonli xonaning orqasidagi betonli xona". "Surishtiruv"da aytilgan chilimxona o'rnida - "quruvchilar xonasi": u yerda kaskalar, quruvchilar maxsus kiyimi va poyabzallar.

"Loy xonasi" - qurilishning dastlabki bosqichida, "akvadiskoteka" - quruvchilar uni favvora, deb atashmoqda, u ham ishlamaydi.

Reportajda taxtalar, ko'plab simlar, beton bloklar va "razetka ishlamaydi" degan yozuvlar aks etgan.

"Atrofda juda ko'p ishchilar. Har qadamda quruvchilarni uchratasiz. Imoratni ko'zdan kechirayotganimizda, yigitlar teshish, burg'ulash ishlari bilan band edi ... Rostini aytsam, juda zerikarli. O'sha aytilgan qasrni ko'rishga muvaffaq bo'lmadik", - deydi reportaj muallifi.

Quruvchilarning taxminlariga ko'ra, binoni foydalanishga topshirish uchun 5-6 yil kerak.

Kreml reaktsiyasi

Avvalroq Vladimir Putin Aleksey Navalniyning Gelendjikdagi "qasr" to'g'risidagi filmini tomosha qilmaganligini, ammo yordamchilari tayyorlagan videolar to'plami bilan tanishib chiqqanligini aytdi. Prezident taʻkidlashicha, "surishtiruv"da ko'rsatilgan hyech qanday mulk na unga, na uning qarindoshlariga tegishli emas va hyech qachon tegishli bo'lmagan.

Prezident matbuot kotibi Dmitriy Peskov so'zlariga ko'ra, Gelendjikdagi qasr egasi - bir yoki bir nechta tadbirkor. Kreml ismlarni oshkor qilmaydi, chunki bu noto'g'ri. Prezident administratsiyasi soxta fosh qiluvchi materiallar va axborot xurujlari haqida bilganligini taʻkidladi.