Olimlar Er iqlimi endi hyech qachon avvalgidek bo'lmasligini maʻlum qildi

post Foto: Nature
Grenlandiya muzliklari ortga qaytib bo'lmas nuqtadan o'tib ketdi va endi Er iqlimining o'zgarishi to'xtasa ham, muz qoplamalari qisqarishda davom etadi. Bu boradagi tegishli tadqiqot natijalari Nature Communications Earth and Environment jurnalida chop etildi.

Olimlar tadqiqot davomida Grenlandiyada joylashgan 200 ta yirik muzlikning sunʻiy yo'ldosh maʻlumotlarini ko'rib chiqqan. Mutaxassislarning xulosasicha, muzliklarga har yili yog'adigan qorlar eriyotgan muzlarga bog'liq yo'qotishlarni qoplamay qo'ygan.

Taʻkidlanishicha, 2000 yillarda muzlarning erishi keskin ortib ketgan, ularning manbasi esa yo'qolgan. Muzliklar shu qadar kichrayib ketganki, muzning asosiy qismi okean osti bilan aloqani uzgan, hozirda shunchaki iliq okean suvi bilan yuvilmoqda. Bu esa ularning erishiga yanada yordamlashmoqda.

2019 yilda Grenlandiya muzliklarining erishi shu qadar kuchli bo'lganki, ikki oy ichida okean sathi 2,2 millimetrga ko'tarilgan.