Ilxom Maxkamov Xitoy transport vaziri Li Syaopen bilan uchrashdi

Uchrashuvda ikki mamlakat oʻrtasida transport sohasidagi hamkorlikni rivojlantirish bilan bogʻliq muhim masalalar muhokama etildi.

Xususan, vazirlar “Xitoy – Qirgʻiziston – Oʻzbekiston” temir yoʻlini qurish loyihasini amalga oshirish, “Andijon –Oʻsh – Irkeshtom – Qashgʻar” multimodal transport koridorini rivojlantirish, xalqaro yuk tashuvlari faoliyati bilan shugʻullanuvchi haydovchilarga vizalarni yengillashtirilgan tartibda berish, shuningdek, oʻzaro hamkorlikda yangi multimodal transport koridorlarini shakllantirish bilan bogʻliq jihatlarni muhokama etishdi.