Yaponiya bosh vaziri shov-shuvli suratlar tarqalishi ortidan oʻgʻlini ishdan boʻshatdi

Foto: Reuters

Yaponiya bosh vaziri Fumio Kisida oʻgʻlini qarorgohdagi ziyofatdan olingan suratlar uchun ishdan boʻshatdi.

Yaponiya bosh vaziri Fumio Kisida otasining rasmiy qarorgohidagi ziyofatdan bahsli suratlarni ommaviy axborot vositalarida chop etishi ortidan oʻgʻlini kotiblik lavozimidan boʻshatdi. Bu haqda “The Japan Times“ nashri xabar bermoqda.

Oʻtgan haftada qarorgohdagi ramziy joylarda suratga olingan Setaro Kisida va uning qarindoshlarining suratlari OAVda tarqaldi. Ular orasida imperator tomonidan tasdiqlanganidan keyin vazirlar mahkamasi aʼzolarining rasman suratga olinadigan asosiy zinapoyada tushilgan surat ham bor. Hukumat avvaliga bosh vazir oʻgʻlining xatti-harakati uchun tanbeh berganini taʼkidladi.

Biroq Kisida oʻgʻlining qilmishi siyosiy kotibga toʻgʻri kelmasligini aytib, uni ishdan boʻshatdi.

“Men oʻz vazifamni xalq ovoziga diqqat bilan quloq solib, kechiktirib boʻlmaydigan masalalarni hal qilishga intilaman”, deya izoh berdi u oʻz qaroriga.