OTB Chimkent-Toshkent-Xoʻjand iqtisodiy koridorini rivojlantirish maqsadida tajriba almashinuviga koʻmaklashadi

Joriy yilning 15-19-may kunlari Batumi shahrida (Gruziya) OTB va Gruziya hukumati tomonidan Qozogʻiston, Oʻzbekiston va Tojikiston bojxona va transport tuzilmalari vakillari uchun Chimkent-Toshkent-Xoʻjand iqtisodiy koridorini rivojlantirish maqsadida mintaqaviy hamkorlikni kuchaytirishga qaratilgan oʻquv dasturi tashkil etildi.

Tadbirda chegaralarni kesib oʻtish tartibini soddalashtirish va oziq-ovqat xavfsizligini yaxshilash uchun xalqaro standartlarni qoʻllash boʻyicha tajriba almashildi. Dastur doirasida ishtirokchilar Gruziya va Turkiya oʻrtasida joylashgan Sarp-Sarpi chegara oʻtish punkti va Adjara mintaqasidagi quritilgan mevalarni qayta ishlash zavodiga tashrif buyurishdi. Oʻquv dasturi ishtirokchilariga bogʻdorchilik mahsulotlarini qayta ishlashda xalqaro standartlarni qoʻllagan holda yuk va yoʻlovchilar oqimi uchun chegarani kesib oʻtish tartib-qoidalarini soddalashtirish boʻyicha amaliy tavsiyalar berildi.