Toshkentda 6ta mashina ishtirokida YTH sodir bo‘ldi

Foto: YHXB

Toshkent shahrining Yunusobod tumanida 6 ta avtomobil ishtirokida yo‘l-transport hodisasi sodir bo‘ldi. Bu haqda Toshkent shahar IIBB YHXB axborot xizmati xabar berdi

Xabarda ma’lum qilinishicha, joriy yilning 29 may kuni soat 12:30 larda Yunusobod tumani Moyqo‘rg‘on ko‘chasida yo‘l-transport hodisasi kuzatilgan.

To‘qnashuv «Malibu-2», BYD SONG, «VAZ-2105», «Lacetti», «Nexia-3» rusumli yengil mashinalar va «ZIL» rusumli yuk mashinasi ishtirokida ro‘y  bergan.

YTH natijasida tan jarohati olganlar yo‘q.

Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.