Buxoroda haydovchilik guvohnomasi olib berishni vaʼda qilgan korxona rahbari ushlandi

Bosh prokuratura huzuridagi Departamentning Buxoro tuman boʻlimi tomonidan IIB xodimlari bilan hamkorlikda oʻtkazilgan tezkor tadbirda, “A.V.” NTM shoʻba korxonasi rahbari M.A. fuqaro M.T.ga haydovchilik guvohnomasini olish uchun oʻtkaziladigan imtihondan vakolatli tanishlari orqali oʻtkazib qoʻyish evaziga 300 AQSH dollarini olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 25, 168-moddasi (firibgarlik) va 28, 211-moddasi (pora berish) bilan jinoyat ishi qoʻzgʻatilib, tergov harakatlari oʻtkazilmoqda.