Ziroat Mirziyoyeva Qoraqalpogʻistonda ochilgan “Mehrli maktab”da yaratilgan sharoitlar bilan tanishdi

Qoraqalpogʻiston tibbiyot instituti klinikasida gospital turdagi “Mehrli maktab” filiali ochildi.

“Mehrli maktab”ga tashrif chogʻida Ziroat Mirziyoyeva bu yerda yaratilgan sharoitlar bilan tanishdi, bolalar bilan samimiy suhbatlashib, pedagoglar va ota-onalarga dalda soʻzlarini izhor etdi.

“Mehrli maktab” – taʼlimdan, kim qanday vaziyatga tushib qolganidan qatʼi nazar, barcha bahramand boʻlishi mumkinligiga yorqin misol. Bu yerda uzoq vaqt davomida davolanayotgan hamda oddiy maktab yoki bogʻchaga qatnash imkoniyati boʻlmagan bolalar bilim olmoqda va tarbiyalanmoqda. Ular reabilitatsiya jarayonidan ham shu yerning oʻzida ota-onalari ishtirokida oʻtadilar.

Yil yakuniga qadar “Mehrli maktab” filiallari Andijon va Fargʻonada ochiladi.