AQSh Ukrainaga 400 mln dollarlik harbiy yordam ajratdi

AQSh Prezidenti Jo Bayden Ukrainaga qiymati 400 mln dollarga teng navbatdagi harbiy yordam paketini ajratish haqida topshiriq berdi. Bu haqda kecha, 23 noyabr kuni Oq uy matbuot xizmati bayonotida maʻlum qilindi.

"Jo Bayden Davlat kotibiga Ukrainaga yordam berish uchun AQSh Mudofaa vazirligi mahsulotlari va xizmatlari, harbiy tayyorgarlik va taʻlim uchun jami 400 million dollar ajratishga ruxsat berdi", deyiladi hujjatda.

Davlat departamentiga ko'ra, bu 2021 yil avgust oyidan beri AQShning Ukrainaga 26-qurol yetkazib berishi bo'lib, AQSh Mudofaa vazirligi zaxiralaridagi qurol va o'q-dorilarni o'z ichiga oladi.

Yangi yordam paketiga quyidagilar kiradi:

•  Milliy ilg'or yer-havo raketa tizimlari (NASAMS) uchun qo'shimcha o'q-dorilar;

•  Uchuvchisiz havo tizimlariga qarshi turish uchun termal tasvirga ega 150 ta og'ir pulemyot;

•  Yuqori harakatchanlikdagi artilleriya raketa tizimlari uchun qo'shimcha o'q-dorilar (HIMARS);

•  200 ta 155 mm aniqlik bilan boshqariladigan artilleriya snaryadlari;

•  10 ming ta 120 mmli minomyot snaryadlari;

•  yuqori tezlikdagi radiatsiyaga qarshi raketalar (HARM);

•  150 ta yuqori harakatchan ko'p maqsadli g'ildirakli transport vositalari (HMMWV);

•  100 dan ortiq yengil taktik transport vositalari;

•  o'q otish qurollari uchun 20 milliondan ortiq patron;

•  200 dan ortiq generatorlar;

105 mm gaubitsalar va boshqa jihozlar uchun ehtiyot qismlar.

Eslatib o'tamiz, Vengriya 2023 yilda o'z byudjyetidan Ukrainaga yordam ko'rsatish uchun 187 million yevro mablag' ajratishi haqida xabar berilgandi.