Shomurodov terma jamoada gol urish borasida Messi va Xolandni ortda qoldirdi

O'zbekiston milliy terma jamoasi va Italiyaning "Roma" klubi futbolchisi Eldor Shomurodov 2022 yilda terma jamoalar tarkibida eng ko'p gol urgan futbolchiga aylandi. Bu haqda "Transfermarkt" portali xabar berdi.

Eldor Shomurodov 2022 yilda O'zbekiston milliy terma jamoasi uchun 9 ta gol kiritgan. Shomurodovdan keyingi o'ringa Erling Xoland joylashgan. Norvegiyalik futbolchi terma jamoa safida 8 ta gol urgan. Uchinchi pog'onaga Kamerun terma jamoasi aʻzosi Vensan Abubakar joylashgan. Abubakar ham Xoland singari 8 marta raqiblarining darvozasini ishg'ol qilgan.

Senegallik hujumchi Sadio Manega to'rtinchi o'rin nasib qilgan. Mane 7 ta golga mualliflik qilgan. Argentinalik Lionel Messi ushbu reytingda beshinchi o'rin bilan kifoyalangan. Messining hisobida 6 ta gol mavjud.

2022 yilda terma jamoada eng ko'p gol urgan futbolchilar ro'yxati bilan tanishing: 

1. Eldor Shomurodov (O'zbekiston) – 9 ta gol;

2. Erling Holand (Norvegiya) – 8 ta gol;

3. Vensan Abubakar (Kamerun) – 8 ta gol;

4. Sadio Mane (Senegal) – 7 ta gol;

5. Lionel Messi (Argentina) – 6 ta gol;

6. Kris Vud (Yangi Zelandiya) – 6 ta gol;

7. Joyel Sarruko (Frantsuz Gvianasi) – 6 ta gol;

8. Karl Toko-Ekambi (Kamerun) – 6 ta gol;

9. Viktor Osimxen (Nigeriya) – 5 ta gol;

10. Edinson Kavani (Urugvay) – 5 ta gol.