Jahon yangiliklari

12 Jan 11:11

Manba: daryo

Lochin ovi chempionati, buzilish xavfi ostidagi to‘g‘on, qutbdagi ilk tong. 11-yanvar suratlari

ÒDunyoning turli nuqtalarida 11-yanvar kuni olingan suratlarni taqdim etamiz.

Saudiya Arabistonida o‘tayotgan Dakar-2022 rallisining 8-bosqichida o‘zining Honda mototsiklida qatnashayotgan amerikalik bayker Rikki Brabek.

Foto: AFP

Hamid Olimjon metro bekati yaqinida odamlardan qo‘rqib uchib ketayotgan bir gala qushlar.

Foto: “Daryo” / Xonzodabegim A’zamova

Qozog‘istondagi tartibsizliklardan ko‘rilgan iqtisodiy zarar 2-3 milliard dollarga baholanmoqda.

Foto: Getty Images

Mavzuga doir: “O‘zbekistondagi vaziyat Qozog‘istondagidan farq qiladi”. Xorijlik mutaxassislar Lukashenkoning fikrlari haqida

“Ko‘ylakda bo‘lsam ham, velosipedda yaxshi uchaman”. Samarqand ko‘chasida velosipedda uchib yurgan qizaloq.

Foto: “Daryo” / Sevara Mirzarahimova

Hindistonda koronavirus tahlili uchun namuna topshirayotgan ayol. 20 milliondan ortiq COVID-19 aniqlangan mamalakatlar qatorida AQSh, Hindiston va Braziliya bo‘lib turibdi.

Foto: “TASS”

Mavzuga doir: JSST ikki oy ichida Yevropa aholisining yarmi koronavirusning “omikron” shtammi bilan kasallanishini prognoz qildi

Samarqand shahridagi mahallalarning birida darvozadan ko‘chaga qarab turgan bolakaylar.

Foto: “Daryo” / Sevara Mirzarahimova

Braziliya rasmiylari kuchli yomg‘ir tufayli Para-de-Minas shahrida to‘g‘on buzilishi xavfi borligini ma’lum qildi.

Foto: Getty Images

Samarqand mahallalarida o‘ynab yurgan jajji qizaloqlar.

Foto: “Daryo” / Sevara Mirzarahimova

Mavzuga doir: O‘zbekiston bog‘chalarida bayram tadbirlarini o‘tkazish cheklandi

Dubayda lochin ovi bo‘yicha chempionat bo‘lib o‘tmoqda.

Foto: EPA

Mavzuga doir: Foto: O‘zbekistonda lochin bilan ov qilayotgan Dubay shahzodasi

2022-yilgi Qishki Olimpiya o‘yinlarining talismasi Pekindagi bog‘da paydo bo‘ldi.

Foto: Getty Images

Kosta-Rikada yashovchi Nikaragua fuqarolari 14 yildan beri hokimiyat tepasida turgan prezident Daniel Ortegaga qarshi norozilik namoyishi o‘tkazdi. Prezidentlik saylovlari 2021-yil 7-noyabrda bo‘lib o‘tgandi, unda Ortega ketma-ket to‘rtinchi muddatga qayta saylangan.

Foto: EPA

Bavariyadagi Andechs monastiri.

Foto: “TASS”

Londonda PS752 reysidagi samolyot halokati qurbonlari xotirlandi. 2020-yil 8-yanvar kuni erta tongda Ukraina xalqaro aviakompaniyalarining yo‘lovchi samolyoti Tehron aeroportidan havoga ko‘tarilganidan ko‘p o‘tmay, halokatga uchradi. Bortda 168 yo‘lovchi va to‘qqiz nafar ekipaj a’zosi bo‘lgan, ularning barchasi halok bo‘lgan.

Foto: Getty Images

Mavzuga doir: Kanada sudi Eron tomonidan urib tushirilgan samolyot yo‘lovchilarning oilalariga 107 mln dollar tovon puli undirish haqida hukm chiqardi

Rubi laqabli ikki oylik kuchukcha Qrimdagi Simferopol aeroporti xavfsizlik xizmati xonasida muolaja olmoqda.

Foto: “TASS”

Murmanskda qutb kechasidan keyingi birinchi tongni kuzatishga chiqqan odamlar. Shimoliy qutbda qish kunlari bir muddat quyosh ufqdan ko‘tarilmaydi. Yoz faslida esa aksi — quyosh ufqqa yaqinlashadi, lekin botmaydi.

Foto: “TASS”

Chilining Ikike shahri tepaliklarida joylashgan Laguna-Verde lagerida yong‘in davom etmoqda. Qurg‘oqchilikdan aziyat chekkan hududda 100 ga yaqin uy alanga ichida qoldi.

Foto: AFP

Xitoyning Shenyang shahrida boshlang‘ich sinf o‘quvchilari konkida uchish musobaqasida qatnashmoqda.

Foto: Getty Images

Nortgemptonshirdagi Blekgroundsda HS2 arxeologik qazishmalari paytida topilgan Rim ma’budasining haykali.

Foto: PA

Frankfurtdagi avtomagistralda tezlikni cheklash belgilari ostidan o‘tayotgan transportlar.

Foto: PA

Kuvayt shahridagi tuman. Fotosurat Hamro osmono‘par binosidan olingan.

Foto: AFP

Murmanskdagi tundra yuqorisida osmon bo‘ylab tarqalgan shimol yog‘dusi.

Foto: “TASS”

Hindistonning Ollohobod shahridagi Magh Mela festivali oldidan COVID-19 tahlil markazida navbat kutayotgan politsiya xodimlari.

Foto: AFP

Hindiston nazoratidagi Kashmirning Srinagar shahri chekkasida qor bilan qoplangan daladan suv idishini ko‘tarib o‘tayotgan ayol.

Foto: Reuters

Avvalgi kunlarning fotogalereyalari:

Doʻstlaringiz bilan ulashing

Jahon yangiliklari

15 Apr 07:06

xs.uz

“Bir necha soniyaga kech qolganimizda biz ham oʻlgan boʻlardik”: Isroil Gʻazodagi xonadon hamda kasalxonani bombardimon qildi

Isroil harbiylari Xon-Yunis shahridagi xonadonni bombardimon qilishi oqibatida besh nafar falastinlik halok boʻldi. Bu haqida 'Al Jazeera' nashri xabar berdi.Maʼlumotlariga koʻra, mazkur hujum oqibatida besh nafar falastinlik halok boʻlgan hamda bir necha kishi turli darajadagi tan jarohatlari olib, kasalxonaga yotqizilgan. Guvohlarning taʼkidlashicha, Isroil askarlari asosan hududdagi turar-joy binolarini yoʻq qilishga harakat qilgan.Shuningdek, 13-aprel, yakshanba kuni Isroil harbiylari

Jahon yangiliklari

23 Mar 16:44

xs.uz

Gʻazodagi havo hujumida HAMAS harakatining yuqori martabali rasmiysi halok boʻldi

Isroilning Gʻazo janubidagi Xon Yunis shahriga uyushtirgan havo hujumi oqibatida HAMASning siyosiy yetakchilaridan biri Saloh al-Bardavil halok boʻldi. Bu haqida 'BBC' nashri xabar berdi.Mahalliy aholi vakillarining soʻzlariga koʻra, Isroil tomonidan uyushtirilgan havo hujumi natijasida XAMASning eng yuqori martabali siyosiy yetakchisi hisoblangan Al-Bardavil hamda uning rafiqasi halok boʻlgan. Hozircha mazkur hujum oqibatlari haqida Isroil rasmiylari hech qanday izoh bermagan.Maʼlum boʻl

Jahon yangiliklari

21 Apr 08:34

358

xs.uz

“Google” reklama sohasida monopol tashkilot deb topildi

Qoʻshma Shtatlar sudi 'Google' kompaniyasining reklama tarqatishdagi yondashuvlari monopoliyaga qarshi qonunlarni buzganligini aniqlagan. U oʻn yildan ortiq vaqt davomida reklama sohasida oʻzining monopoliyasini oʻrnatgan va raqobatchilarni cheklab kelgan.Sud tomonlarga internet giganti monopolist sifatida tan olinganidan keyingi harakatlar boʻyicha pozitsiyalarini shakllantirish uchun vaqt bergan.Taʼkidlash joiz, hamkorlarga oldindan oʻrnatish uchun koʻplab milliard dollarlik toʻlovlar

Jahon yangiliklari

18 Apr 11:08

xs.uz

Kolumbiyada xavfli kasallik tarqalishi sababli favqulodda holat eʼlon qilindi

Kolumbiyada sariq isitma avj olgani sababli favqulodda holat eʼlon qilindi. Bu haqda mamlakat sogʻliqni saqlash vaziri Gilermo Alfonso Jaramillo 'Senal Colombia' telekanali orqali maʼlum qildi.'Prezident Gustavo Petro boshchiligidagi hukumat mamlakatda sogʻliqni saqlash boʻyicha favqulodda holat eʼlon qildi', dedi u oʻz chiqishida.Vazirning taʼkidlashicha, Kolumbiyada 74 ta infeksiya holati aniqlangan, ulardan 34 tasi oʻlim bilan yakunlangan.