Osiyo futbol konfederatsiyasi futbol bo‘yicha 2022-yilgi Jahon Chempionati ikkinchi saralash bosqichi o‘yinlari 2021-yil iyun oyida markazlashgan holatda o‘tkazilishini e’lon qildi.

Koronavirus pandemiyasi xavfi sabab mart oyidagi FIFA kunlarida JCh—2022 saralashi doirasida faqat 4 ta o‘yin o‘tkaziladi:

Saralashning qolgan o‘yinlari esa 2021-yilning 31-mayidan 15-iyuniga qadar markazlashgan holatda o‘tkaziladi.

O‘z ishtirokini “D” guruhida boshlagan O‘zbekiston terma jamoasini oldinda yana 3 ta o‘yin kutib turibdi. Taniqli futbol mutaxassisi Alisher Nikimbayevning yozishicha, O‘zbekiston terma jamoasi uchala o‘yinni ham iyunda o‘tkazishi mumkin.

Mutaxassisning fikrlariga ko‘ra Yaman — O‘zbekiston uchrashuvi mart oyida ham o‘tkazilishi mumkin, ya’ni uchrashuv hozircha rasman iyun oyiga ko‘chirilmagan. Agar uchrashuv ko‘chirilsa, O‘zbekiston termasining JCh—2022 saralashidagi qolgan o‘yinlar taqvimi quyidagicha ko‘rinish oladi.

Qayd etish joiz, “D” guruhi o‘yinlari markazlashgan holatda qaysi mamlakat mezbonligida o‘tishi hali hal etilmagan. Mezbon maqomi O‘zbekiston yoki Saudiya Arabistoniga berilishi mumkin.

Ma’lumot uchun, saralashning keyingi bosqichiga o‘z guruhlarida g‘olib bo‘lgan 8 ta jamoa va 2-o‘rinni egallagan eng yaxshi 4 ta jamoa yo‘llanmani qo‘lga kiritadi. Agar JCh—2022 mezboni Qatar yuqoridagi 12 jamoaning orasidan o‘rin oladigan bo‘lsa, u holda 2-o‘rinni egallagan eng yaxshi ko‘rsatkichlarga ega 5-jamoa 3-saralash bosqichiga yo‘l oladi.

O‘zbekiston terma jamoasi “D” guruhida 5 ta o‘yin o‘tkazgan holda 9 ochko bilan peshqadam bo‘lib turibdi. Bitta kam o‘yin o‘tkazgan Saudiya Arabistoni hisobida esa 8 ochko mavjud. Singapur 7 ochkosi bilan 3-o‘rindan, Yaman bo‘lsa 5 ochko bilan 4-pog‘onadan o‘rin olgan. So‘nggi o‘rinni esa 4 ochkoga ega Falastin band etgan.