Куз-қиш мавсумида фавқулодда вазиятларнинг олдини олиш ва ёнғин хавфсизлигини таʼминлаш мақсадида 400 дан ортиқ ишчи гуруҳ ташкил етилди

АОКАда Фавқулодда вазиятлар ва Енергетика вазирлиги мутасаддилари иштирокида ўтказилган матбуот анжуманида куз-қиш мавсумида юзага келиши мумкин бўлган фавқулодда вазиятлар, уларнинг олдини олиш бўйича олиб борилаётган тадбирлар ҳақида маʼлумот берилди.

Қайд етилишича, ёнғин хавфсизлиги қоидалари талабларини тарғиб қилиш ва фуқароларнинг билим кўникмаларини ошириш мақсадида 14 минг 520 маротаба 412 минг 478 нафар фуқаролар билан учрашув ва йиғилишлар ўтказилди.

Профилактик тадбирлар жараёнида 198 минг 559 та табиий газ ва қаттиқ ёқилғида ишлатиладиган печлар дудбуронларидаги аниқланган 10 минг 262 та носозликлардан 9 минг 459 таси тузатилди.

Ёнғинлар сабаблари таҳлил қилинганда, уларнинг 36,3 фоизи електр ускуналаридан фойдаланиш қоидаларининг бузилиши, 26,8 фоизи очиқ оловдан еҳтиётсизлик билан фойдаланиш, 14,4 фоизи иситиш печларини қуриш ва ишлатиш қоидаларининг бузилиши, 9,7 фоизи болалар шўхлиги оқибатида юзага келганлигини кўрсатади.