Иссиқлик таʼминотида муқобил турлардан фойдаланиш пайти келди

Фото: Халқ сўзи

Қиш мавсуми яқинлашгани сари аҳоли турар жойлари ва ижтимоий обектларни иситиш масаласи муаммога айланади. Афсуски, ҳатто вилоят марказларида ҳам бу борадаги ҳолатни ижобий баҳолаб бўлмайди. Аёзли кунларда иссиқлик таʼминотидаги узилишлар ҳақли еʼтирозларни келтириб чиқариши табиий. Бу каби муҳим масалалар устида бош қотириш, муаммога оқилона ечим излаш даври келмадими?

—  Шу кунгача қўллаб келганимиз маҳаллий қозонхоналарнинг ишлаш кафолати бир йил, холос, — дейди Андижон вилоятида фаолият олиб борувчи “Иссиқлик таʼминоти” давлат-хусусий шериклик асосидаги иситиш корхонаси раҳбари Исроилжон Комилов. — Соҳадаги камчиликларни бартараф етиш учун бир қанча давлатларда бўлиб, улардаги иситиш тизимини ўрганишимизга тўғри келди. 2019-йилда Туркия давлатида кенг кўламда қўлланиб келинаётган, қолаверса, дунёнинг 50 та давлатига експорт қилинаётган замонавий, електр тежамкор, кам ҳаракат ва кам харажат талаб етувчи қозонхоналардан 14 тасини Андижон вилоятига олиб келиб, ўзимиз барпо етаётган биноларга ўрнатдик. Бир йил давомида кузатиб, шунга амин бўлдикки, ушбу қозонхоналар айнан бизнинг иқлимга ва шароитимизга мос келувчи маҳсулотдир. Шу боис 2020-йилда Бўстон туманида иситиш тизими билан шуғулланувчи корхонани ташкил етдик. Шу йили тумандаги барча ижтимоий обектларда қозонхонани синовдан ўтказдик. Натижада мавсум давомида хоналарда 20-27 даражагача иссиқ ҳароратни таʼминлаб бердик. Бирор кун ҳам таʼминотда узилишлар бўлмади.

Бўстон туманида ўлга қўйилган янги тажриба иқтисодий жиҳатдан ҳам бир қанча афзалликларга сабаб бўлди. Мисол учун, туманнинг ўзида қиш мавсумида ижтимоий обектларни исиш мақсадида 4 млрд. 800 млн. сўм маблағ сарфланган бўлса, янги қозонхоналар туфайли бу рақам 3 млрд. 50 млн. сўмни ташкил етди. Демак, 1 млрд. 750 млн. сўм маблағ иқтисод қилинди. Янги қозонхоналарнинг қулайлик жиҳатларидан яна бири шундаки, унга електр таʼминоти ёки табиий газдаги узилишларнинг аҳамияти ўқ. Боиси, ёнилғи сифатида кўмирдан фойдаланилгани боис кечаю кундуз фаолият юритиш имкони мавжуд.

— Қозонхоналарни ишлатиш учун кўмирнинг енг сифатсиз, енг арзон туридан бемалол фойдаланиш мумкин, — сўзида давом етади корхона раҳбари. — Ҳар 12 соатда кўмир захирасини янгилаб туриш керак бўлади. Автоматик тарзда ишлаганлиги боис бир суткада икки марта назорат қилишнинг ўзи кифоя. Кўмир ёқиш учун ўтиндан фойдаланилмайди, автоматик тарзда аланга олиб, иссиқликни бир меʼёрда ушлаб туриш хусусиятига ега.

Кўриниб турибдики, иситиш тизимида бундай муқобил турлардан фойдаланиш ҳаётий заруратдир.

Саминжон ҲУСАНОВ, “Халқ сўзи”.