calendar 03 Nov 05:10
eye 11
comments 0
comments Manba: daryo

O‘zbekistonda 3 ta YTH oqibatida 4 nafar shaxs vafot etdi

image

O‘zbekistonda 29-oktabrdan 1-noyabrgacha 3 ta yo‘l-transport hodisasi oqibatida 4 nafar shaxs vafot etdi. Quyida ushbu YTHlarning tafsilotini taqdim etamiz.

Qashqadaryo viloyati

2021-yil 29-oktabr kuni Buxoro viloyati Shofirkon tumanida yashovchi Y.Sh. boshqaruvida bo‘lgan Lacetti avtomashinasida Muborak tumaniga yetib kelgan.

Shu kuni soat 06:45 larda Muborak tumani hududidan o‘tuvchi G‘uzor–Nukus–Beynau avtomobil yo‘lida Qarshi–Buxoro yo‘nalishi bo‘ylab harakatlanib borib, yo‘lning 150-kilometriga kelganda boshqaruvni yo‘qotgan.

Oqibatda yo‘lning harakat qismini ikkiga ajratib turuvchi beton to‘siqqa urilib, YTH sodir etgan va haydovchi voqea joyida vafot etgan.

Toshkent shahri

31-oktabr kuni soat 18:30 larda Yunusobod tumanidagi KHAY ko‘chasi bo‘ylab harakatlanib kelayotgan Spark haydovchisi 26 yoshli H.H. tartibga solinmagan piyodalar yo‘lagidan o‘tayotgan 65 yoshli T.U.ni urib yubordi.

Foto: Toshkent shahar IIBB

Yo‘l-transport hodisasi natijasida T.U. olgan tan jarohatlari sababli kasalxonaga olib ketilayotgan vaqtda vafot etgan.

Mazkur holat yuzasidan Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan.

Qoraqalpog‘iston Respublikasi

2021-yilning 1-noyabr kuni soat 18:00 larda Qoraqalpog‘iston Respublikasi, Amudaryo tumani hududidan o‘tuvchi 4-R181 Qipchoq–Mang‘it–Turkmaniston avtomobil yo‘lining 12–13-kilometrlari oralig‘ida haydovchi, 1968-yilda tug‘ilgan U.Y. Lifan rusumli yuk tashuvchi mototsiklda harakatlanayotib, keskin ortga burilishi natijasida orqasidan harakatlanib kelayotgan haydovchi, 1956-yilda tug‘ilgan K.B. boshqaruvidagi Nexia bilan to‘qnashgan.

Buning oqibatida Nexia qarama–qarshi yo‘nalishga chiqib ketib, haydovchi, 1963-yilda tug‘ilgan F.M. boshqaruvidagi Isuzu yuk avtomobili bilan to‘qnashgan.

To‘qnashuvlar oqibatida Nexia avtomobili yo‘lovchisi 1960-yilda tug‘ilgan A.R. og‘ir tan jarohatlari olib voqea joyida va uning 2017-yilda tug‘ilgan nabirasi B.R. shifoxonada vafot etgan.

Foto: YHXBB

Nexia haydovchisi K.B. va yana ikki nafar yo‘lovchi og‘ir tan jarohatlari bilan shifoxonaga yotqizilgan.

Mazkur YTH yuzasidan Amudaryo tumani IIB TB tomonidan tergovga qadar surishtiruv ishlari olib borilmoqda.


Doʻstlaringiz bilan ulashing

06 Jan 17:20
 
25
0
postda.uz

UCH QUTI OG‘U yoxud qorlar yog‘ib, izlar bosilib ketmadi

Ichki ishlar bo‘limiga kelib tushgan ma’lumotlar asosida, uning uyida tintuv o‘tkazilganida, uch ta gugurt qutiga joylanib, sotish uchun tayyorlab qo‘yilgan marixuana giyohvandlik vositasi topildi. Ushbu holat xolislar ishtirokida tegishli tartibda rasmiylashtirildi. «Ha, endi, qilmish – qidirmish deganlaridek, giyohfurush jazosini oladi-da», deyishga shoshilmang. Chunki To‘raboy aka boshlagan «ishi» chappasiga aylanib qolsa, suvdan quruq chiqish payida yugurgilaydigan uddab

12 Jan 23:10
 
41
0
xs.uz

FAO Oʻzbekistonda qishloq aholisining daromadlarini oshirishga faol yordam bermoqda

Yangi yil Qoraqalpogʻiston Respublikasi va Qashqadaryo, Xorazm viloyatlarining chekka hududlari qishloq aholisi uchun xushxabar bilan boshlandi. Gap shundaki, Birlashgan Millatlar Tashkilotining Oziq-ovqat va qishloq xoʻjaligi tashkiloti (FAO) ularni yangi agrosanoat uskunalari bilan taʼminlaydi, bu esa qishloq xoʻjaligi ekinlari hosildorligini sezilarli darajada oshiradi, shuningdek, uy xoʻjaliklari daromadlarini oshiradi.Jumladan, Qoraqalpogʻistonning Qoraoʻzak va Beruniy, Qashqadaryo v

16 Jan 16:01
 
26
0
xs.uz

Fargʻona neftni qayta ishlash zavodida bazaviy moylar sifatini yaxshilash dasturi ishga tushirildi

Fargʻona neftni qayta ishlash zavodi (FNQIZ)da ishlab chiqarilayotgan bazaviy moylar sifatini oshirish boʻyicha keng koʻlamli dasturni amalga oshirish ishlari boshlandi. Dastur doirasida atmosfera-vakuum kolonnasini modernizatsiya qilish, shuningdek, mineral bazaviy moylar ishlab chiqarish qurilmalarini taʼmirlashni nazarda tutadi. Dasturning maqsadi moylarning fizikaviy va kimyoviy xususiyatlarini eng yaxshi Yevropa standartlariga javob beradigan darajaga yetkazishdan iborat. Dasturning

16 Jan 11:36
 
21
0
xs.uz

Soliq tizimi va soliqchilar faoliyatini tubdan qayta koʻrib chiqish vaqti kelgani taʼkidlandi

Shu kabi soliq qarzdorligi bilan ishlash boʻyicha ham qoʻmita qoshida Soliq qarzini undirish inspeksiyasi tashkil etiladi. Unga Majburiy ijro byurosida mavjud vakolatlar beriladi.Buning hisobiga, tumanlardagi qoʻshimcha 200 nafar soliqchini 'mahallabay' ishlash tizimiga oʻtkazish imkoni boʻladi.Respublika soliq tushumining 50 foizini beradigan 80 ta eng yirik korxona va 35 ta tijorat banki bilan ishlaydigan alohida tizim boʻladi.Buning uchun Yirik soliq toʻlovchilar boʻyicha inspeksiya t