15 Aug 03:20

Manba: zamin

«Afg'onistondagi vaziyat yumshab, O'zbekiston manfaatlari va tinchligi yo'lida hal bo'lishidan umidvormiz» — senator Alisher Saʻdullayev

Afg'onistondagi vaziyatning keskinlashuvi Prezident Shavkat Mirziyoyevni bejiz xavotirga solmagani yanada oydinlashdi. Bu haqda O'zbekiston Senati aʻzosi, Yoshlar ishlari agentligi direktori Alisher Saʻdullayev 14 avgust kuni, Afg'oniston shimolidagi Mozori-Sharif shahri ustidan nazorat «Tolibon» ixtiyoriga o'tib, afg'on hukumat kuchlari O'zbekiston tomon qochayotgani haqida xabarlar tarqalganidan so'ng fikr bildirdi.

Maʻlumotlarga ko'ra, Afg'oniston mudofaa va xavfsizlik kuchlari hukumatning shimoldagi so'nggi tayanchi hisoblangan Mozori-Sharif shahrini deyarli jangsiz «Tolibon»ga topshirgan. Harbiy xizmatchilar va fuqarolarning katta guruhi O'zbekiston chegarasi oldida yig'ilgan, O'zbekiston tomondan chegaraning ochilishini kutmoqda. Tasdiqlanmagan maʻlumotlarga ko'ra, Afg'onistondagi o'zbeklar yetakchisi marshal Abdurashid Do'stum vertolyotda O'zbekistonga qochib o'tgan.

- "Afg'oniston hukumati va «Tolibon» o'rtasidagi munosabatning keskinlashuvi bejizga Prezidentimizni xavotirga solmaganligi yanada oydinlashmoqda.

Uzoqni o'ylab, bir necha bor ikki taraf bilan ham muzokaralar olib borildi. Toshkentda ham bu mavzu yuqori minbarlarda bejizga muhokama qilinmadi.

Vaziyat yumshab, O'zbekiston manfaatlari va tinchligi yo'lida hal bo'lishidan umidvormiz. Tinchlik bo'lsin.", - dedi senator, Yoshlar ishlari agentligi direktori Alisher Saʻdullayev.

Qayd etish joiz, Afg'onistonda, shuningdek, Termiz ostonasida (chegarada) yuzaga kelgan vaziyat yuzasidan O'zbekiston tomoni hozircha biror rasmiy munosabat bildirgani yo'q. Mamlakat Tashqi ishlar vazirligining Afg'onistondagi vaziyat bilan bog'liq so'nggi (iyun oyi oxirida berilgan) bayonotida «O'zbekiston hukumati Afg'oniston bilan anʻanaviy do'stona va yaxshi qo'shnichilik munosabatlarini davom ettirish, neytralitetni saqlash hamda qo'shni mamlakat ichki ishlariga aralashmaslik tarafdori ekanligi»ni qatʻiy maʻlum qilingan edi.

Maʻlumot uchun, Toshkentda 2018 yil martida Afg'oniston masalasida «Tinchlik jarayoni, xavfsizlik sohasida hamkorlik va mintaqaviy sheriklik» mavzusida xalqaro konferentsiya, 2021 yil iyulida esa «Markaziy va Janubiy Osiyo: Mintaqaviy bog'liqlik. Tahdidlar va imkoniyatlar» mavzusida xalqaro konferentsiya o'tkazilgan edi. Har ikkala tadbirda Afg'oniston prezidenti Ashraf G'ani qatnashgan.

Doʻstlaringiz bilan ulashing

Jamiyat

20 Mar 12:54

xs.uz

Prezident Kichik biznes uyushmasini tashkil qilish tashabbusini qoʻllab-quvvatladi

Prezidentning kichik va oʻrta biznes vakillari bilan uchrashuvida kichik biznesdagi kelgusi qadamlarni belgilab beradigan besh yillik strategiya ishlab chiqilgani taʼkidlandi.Buni xalqaro moliya tashkilotlari ham qoʻllab-quvvatlab, yangi biznes yoʻnalishlari boʻyicha ilgʻor tajriba, innovatsiya, texnologiya va xalqaro standartlarni joriy qilishda koʻmaklashishga, buning uchun hozirni oʻzida 470 million dollar resurs ajratishga tayyor.Jumladan, Osiyo taraqqiyot banki 'Moliyaviy ommaboplik

Jamiyat

20 Mar 12:54

xs.uz

Tadbirkor ayollarga garovsiz kredit ajratiladi

Oʻzbekistonda ayollar tadbirkorligini rivojlantirish va ularni qoʻllab-quvvatlash boʻyicha yangi dasturlar joriy etilmoqda. Prezidentning 2025-yil 14-martdagi 'Oila va xotin-qizlarni qoʻllab-quvvatlash tizimini yana-da takomillashtirish chora-tadbirlari toʻgʻrisida'gi qaroriga koʻra, ayollar bandligini oshirish, taʼlim olish imkoniyatlarini kengaytirish va ularning tadbirkorlik faoliyatini qoʻllab-quvvatlash boʻyicha qator maqsadli chora-tadbirlar amalga oshiriladi.Qarorga muvofiq, 202

Jamiyat

12 Apr 21:14

xs.uz

Toʻrtta viloyatda “valyutchik”lar qoʻlga olindi

Departamentning Xonobod shahri boʻlimi va IIB xodimlari hamkorligida oʻtkazilgan tezkor tadbirda valyuta qimmatliklari savdosi bilan shugʻullanib kelgan E.R. fuqaro A.T.ga 3 000 AQSH dollarini 38,7 million soʻmga sotgan vaqtida ushlanib, 3 000 AQSH dollari, 35 950 Rossiya rubli va 3 000 qirgʻiz somi ashyoviy dalil sifatida olingan.Shu kabi, Departamentning Quyichirchiq tumani boʻlimi tomonidan oʻtkazilgan tezkor tadbirda fuqaro M.A. fuqaro U.B.ga 1 900 AQSH dollarini 24,7 million soʻmga,

Jamiyat

04 Apr 16:19

xs.uz

Chiqindi poligonlarida ekosanoat zonalari tashkil etiladi

Chiqindilarni qayta ishlash sohasini yanada takomillashtirish va kompleks tizimlashtirish maqsadida Prezident Farmoni qabul qilindi. Bu haqda 'Huquqiy axborot' kanali xabar berdi.Unga koʻra, chiqindilarni qayta ishlash sohasida bir qator asosiy yoʻnalishlar belgilandi. Jumladan, mavjud qattiq maishiy chiqindi poligonlarini 2030-yilgacha 50 foizga qisqartirish va yangi hosil boʻlayotgan chiqindilarni poligonlarga yoʻnaltirmasdan, ularni maksimal darajada qayta ishlash yoki kuydirish belgiland