calendar 30 Jun 12:50
eye 8
comments 0
comments Manba: mahalladosh

O'zbekiston Respublikasi Prezidentining «Mard o'g'lon» davlat mukofoti bilan taqdirlash to'g'risidagi qarori

image

Mamlakatimizda amalga oshirilayotgan keng ko'lamli islohotlarda faollik ko'rsatib, o'zining bilim va iqtidori, intiluvchanligi va tashabbuskorligi, halol va samarali mehnati bilan Vatanimiz taraqqiyotini yuksaltirish, yangi O'zbekistonni barpo etish va uning xalqaro nufuzini oshirishga munosib hissa qo'shib kelayotgan, yuksak maʻnaviyatli, mustaqil fikrlaydigan, qatʻiy hayotiy pozitsiya, keng dunyoqarash va yuqori salohiyatga ega, xalq manfaati va yurt istiqboli uchun masʻuliyatni o'z zimmasiga olishga qodir bo'lgan fidoyi va mard o'g'lonlarimizni munosib rag'batlantirish maqsadida:

1. O'zbekiston Respublikasi Prezidenti huzuridagi Davlat mukofotlari va geraldika bo'yicha komissiyaning Qoraqalpog'iston Respublikasi, viloyatlar va Toshkent shahrining iqtidorli yigitlarini fan, taʻlim, tibbiyot, madaniyat, adabiyot, sanʻat, sport, ishlab chiqarish, harbiy xizmat sohalari va huquqni muhofaza qilish organlaridagi faoliyatida erishgan alohida yutuqlari uchun «Mard o'g'lon» davlat mukofoti bilan taqdirlash to'g'risidagi takliflari ilovadagi ro'yxatga muvofiq maʻqullansin.

«Mard o'g'lon» davlat mukofoti bo'yicha ko'zda tutilgan 28 ta mukofot o'rniga 2021 yil uchun istisno tariqasida 29 ta mukofot berilishi belgilansin.

2. «Mard o'g'lon» davlat mukofoti bilan taqdirlanganlarga sovrindorlik diplomlari va ko'krak nishonlari tantanali vaziyatda topshirilsin.

3. O'zbekiston Respublikasi Moliya vazirligi «Mard o'g'lon» davlat mukofoti sovrindorlarining har biriga bazaviy hisoblash miqdorining 50 baravari miqdorida pul mukofoti berilishini taʻminlasin.

4. O'zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, O'zbekiston Milliy axborot agentligi, O'zbekiston Milliy teleradiokompaniyasi va boshqa ommaviy axborot vositalariga «Mard o'g'lon» davlat mukofoti sohiblarining ibratli faoliyati, ularning noyob isteʻdodi va erishgan yutuqlarini keng yoritib borish tavsiya etilsin.

5. Mazkur qarorning ijrosini nazorat qilish O'zbekiston Respublikasining Bosh vaziri A.N.Aripov va O'zbekiston Respublikasi Prezidenti Administratsiyasi rahbari Z.Sh.Nizomiddinov zimmasiga yuklansin.

 

O'zbekiston Respublikasi

Prezidenti                            Sh.MIRZIYoEV

 

Toshkent shahri,

2021 yil 28 iyun

* * *

O'zbekiston Respublikasi Prezidentining
2021 yil 28 iyundagi PQ&ndaш;5164-son qaroriga 

ilova 

«Mard o'g'lon» davlat mukofoti bilan taqdirlanganlar

RO'YXATI

Madraimov Rustamjon Matkarimovich - Toshkent davlat agrar universiteti Nukus filialining 4-bosqich talabasi (Qoraqalpog'iston Respublikasi)

Nurniyazov Arman Arzubay uli - Toshkent axborot texnologiyalari universiteti Nukus filialining 4-bosqich talabasi (Qoraqalpog'iston Respublikasi)

Bektashev Islomjon Baxtiyor o'g'li - Andijon davlat tibbiyot institutining 6-bosqich talabasi (Andijon viloyati)

Olimov Xayrullo Xolmirzayevich - O'zbekiston Respublikasi Mudofaa vazirligining harbiy qism guruh mutaxassisi (Andijon viloyati)

Jumayev Jahongir Uktam o'g'li - Buxoro viloyati Ichki ishlar boshqarmasining guruh katta mutaxassisi (Buxoro viloyati)

Raxmatov Anvarbek Zufarjonovich - Qorako'l tumanidagi xalqaro matematika maktabining 9-sinf o'quvchisi (Buxoro viloyati)

Safarov Qodiri Qoplonbek Abdujalil o'g'li - Jizzax politexnika institutining 2-bosqich talabasi (Jizzax viloyati)

Turdiqulov Hamidulla Alisher o'g'li - R.Glier nomidagi Respublika ixtisoslashtirilgan musiqa maktabining 2-bosqich o'quvchisi (Jizzax viloyati)

Abdurashidov Bobur Kamolovich - Chirchiq oliy tank qo'mondonlik-muhandislik bilim yurtining 4-bosqich kursanti (Qashqadaryo viloyati)

Karomatov Davurxon Fozil o'g'li - Qarshi davlat universitetining 4-bosqich talabasi (Qashqadaryo viloyati)

Petrov Login Aleksandrovich - Navoiy shahridagi 13-umumiy o'rta taʻlim maktabining 11-sinf o'quvchisi (Navoiy viloyati)

Sharopov Shohrux Shavkatovich - Karmana tumanidagi «Karmana Al-Aziz Avitsenna» masʻuliyati cheklangan jamiyati taʻsischisi (Navoiy viloyati)

Asilbekov Islom Egamberdi o'g'li - O'zbekiston Jurnalistika va ommaviy kommunikatsiyalar universitetining 3-bosqich talabasi (Namangan viloyati)

Umurzakov Bekzod Nemat o'g'li - O'zbekiston Respublikasi Milliy gvardiyasining Uchqo'rg'on tumani qo'riqlash bo'limi safdor-xodimi (Namangan viloyati)

Abdullayev Abduraxmon Feruzovich - Samarqand shahridagi 17-umumiy o'rta taʻlim maktabining 11-sinf o'quvchisi (Samarqand viloyati)

Oripov Shaxzod Ilxom o'g'li - Samarqand viloyati Urgut tumani favqulodda vaziyatlar bo'limining yong'in-qutqaruv qismi smena boshlig'i

Faxriyev Jahongir Alisherovich - Toshkent pediatriya tibbiyot institutining 5-bosqich talabasi (Samarqand viloyati)

Karimov Dilshod Mashrab o'g'li - Oqoltin tumanidagi 7-bolalar musiqa va sanʻat maktabi direktorining o'quv ishlari bo'yicha o'rinbosari (Sirdaryo viloyati)

Mavlonov Yorbek Abduvait o'g'li - Sirdaryo viloyati «New Level Шoes» oilaviy korxonasi rahbari

Ayubjonov Asadbek O'lmasovich - V.Uspenskiy nomidagi Respublika ixtisoslashtirilgan musiqa maktabining 8-sinf o'quvchisi (Surxondaryo viloyati)

Murodulloyev Maʻrufjon Fayzullo o'g'li-O'zbekiston Milliy paralimpiya terma jamoasi aʻzosi (Surxondaryo viloyati)

Avazov Sardorjon Erkin o'g'l - Toshkent davlat agrar universitetining qishloq xo'jaligi fitopatologiyasi kafedrasi professori (Toshkent viloyati)

Umaraliyev Fazliddin Faxritdin o'g'li - O'zbekiston davlat jahon tillari universitetining 4-bosqich talabasi (Toshkent viloyati)

Karimov Davlatjon Shermaxomot o'g'li - Erkin Vohidov nomidagi ixtisoslashtirilgan maktab-internatining ona tili va adabiyot fani o'qituvchisi (Farg'ona viloyati)

Haydarov Temurbek Tohirjon o'g'li - Farg'ona davlat universitetining 2-bosqich talabasi (Farg'ona viloyati)

Jumaniyazov Aminzoda G'ayratovich - O'zbekiston davlat akademik katta teatri yetakchi opera solisti (Xorazm viloyati)

Ko'palbayev Azamat G'ayrat o'g'li - O'zbekiston Respublikasi Davlat xavfsizlik xizmatining Chegara qo'shinlari xodimi (Xorazm viloyati)

Abdukayumov Firdavs Zoxidovich - Toshkent shahridagi Prezident maktabining 11-sinf o'quvchisi (Toshkent shahri)

Anvarov Fazliddin Ubaydulla o'g'li - Kamoliddin Behzod nomidagi Milliy rassomlik va dizayn institutining 1-bosqich talabasi (Toshkent shahri)


Doʻstlaringiz bilan ulashing

01 Feb 18:53
 
39
0
qalampir.uz

Toshkentga kelgan Eron rasmiysi dunyodagi beqarorlikda AQSHni aybladi

Qo‘shma Shtatlarning terrorizmni yaxshi va yomonga ajratishi dunyodagi beqarorlik sababidir. Bu haqda Toshkentda Shanxay hamkorlik tashkiloti (SHHT) Mintaqaviy aksilterror tuzilmasi (MATT) ijroiya qo‘mitasi direktori Ruslan Mirzayev bilan uchrashuvda Eron Tashqi ishlar vaziri o‘rinbosari Ali Bageri Kani ma’lum qildi.  “Amerikaning terrorizmni yaxshi va yomonga ajratishi dunyodagi beqarorlikning sababidir. AQSHning bir tomonlama yondashuvi dunyoda tinchlik o‘rnatishga qo

18 Jan 12:25
 
27
0
qalampir.uz

Ukrainalik deputat Zelenskiyni xalq pulini o‘g‘irlashda aybladi

Ukraina Oliy Rada deputati Geo Leros Prezident Vladimir Zelenskiyni soliq to‘lashdan qochish maqsadida o‘z kapitalini noqonuniy ravishda mamlakatdan olib chiqib ketganlikda aybladi. Bu haqda u YouTube kanalida e’lon qilingan videoda gapirib o‘tgan. 2012 yildan beri Zelenskiy va uning atrofidagilar nazoratidagi ofshor kompaniyalar ukrainalik tadbirkor Igor Kolomoyskiydan taxminan 40 million dollar olgan. Lerosning so‘zlariga ko‘ra, ushbu mablag‘lar Privatbank mijozlarining omonat

12 Feb 17:12
 
20
0
xs.uz

Oʻzbekiston yoshlari Dehlida Doʻstlik va tinchlik xalqaro bolalar festivalida ishtirok etdi

Mazkur xalqaro maktabda mahalliy oʻquvchilar bilan bir qatorda koʻplab xorijiy davlatlar, jumladan, oʻzbekistonlik yoshlar ham tahsil oladi.Mamlakatimiz vakillari taʼlim jarayoniga katta masʼuliyat bilan yondashib, tengqurlari orasida yuqori natijalarga erishib kelmoqda. Maktab oʻqituvchilar jamoasi yosh vatandoshlarimiz haqida doimo ijobiy fikrlar bildiradi.Oʻzbekistonlik yoshlar, shuningdek, oʻrta taʼlim muassasasining jamoat hayotida ham faol ishtirok etib, turli tadbirlarda oʻzbek

13 Jan 10:20
 
48
0
qalampir.uz

Britaniya Qizil dengizni patrul qilishda davom etadi – Sunak 

Britaniya harbiy-dengiz kuchlari Yamandagi husiylarning keyingi “tajovuz”ini oldini olish uchun Qizil dengizda patrullik qilishda davom etadi. Bu haqda Bosh vazir Rishi Sunak bayonot berdi. "Qirollik dengiz floti husiylarning keyingi tajovuzkorligining oldini olish uchun "Prosperity Guardian" xalqaro operatsiyasi doirasida Qizil dengizni patrul qilishda davom etmoqda. Biz ularni hujumlarni to‘xtatishga va keskinlikni kamaytirish choralarini ko‘rishga chaqirami