Jizzax shahridagi “Oʻrda” bogʻida “Yangi Oʻzbekiston yoshlari birlashaylik!” shiori ostida 5-7-iyun kunlari yoshlar festivali boʻlib oʻtdi.

Yoshlar oyligi doirasida ularning boʻsh vaqtlarini samarali tashkil etish, Prezidentimiz tomonidan ilgari surilgan beshta muhim tashabbus mohiyatini yoshlar ongiga singdirish, isteʼdodli yoshlarni aniqlash, ularni ragʻbatlantirish, uyushmagan yoshlarning boʻsh vaqtini mazmunli tashkil etish maqsadida tashkil etilgan festivalda uch davomida 50 mingdan ziyod yoshlar ishtirok etdi.

Festival doirasida turli xil sport musobaqalari, koʻrgazmali chiqishlar, “Zakovat” intellektual oʻyinlari, yosh hunarmandlarning oʻzlari yaratgan mahsulotlari koʻrgazmalari boʻlib oʻtdi. Shuningdek, viloyatda yashovchi qardosh xalqlar urf-odatlari, milliy liboslari va raqslari koʻrgazmali chiqishlari namoyish etildi.

Festival doirasida 500 ta dronlar ishtirokidagi koʻrgazmali chiqishlar yoshlarda oʻzgacha taassurot qoldirdi.

Tolibjon ERGASHEV
(“Xalq soʻzi”).