Quyidagi qirollik vakilalari nafaqat jamiyat hayotidagi faol ishtiroki bilan, balki kiyinish borasidagi nozik didi bilan ham diqqat-e’tibor markazida bo‘ladi.

Kembrij gersoginyasi Ketrin

Ketrin qirollik oilasi orasida did bilan kiyinadigan Kembrij gersoginyasi sevimli ko‘ylaklarini bemalol bir necha marta kiyishi mumkin. Chunki u hukumat budjetini har qanday hashamatli brend kiyimlardan ustun qo‘yadi. Agar siz smart casual va oqilona xaridlarni yoqtirsangiz, Ketrin uslubi siz uchun haqiqiy ilhom manbayi bo‘la oladi.

Malika Sirivannavari

Tailand qirolining nabirasi tendensiyalar ketidan quvmaydi, ularni o‘zi yaratadi. Bolaligidanoq modani yaxshi ko‘radigan Sirivannavari butun hayotini shu soha bilan bog‘lashga qaror qilgan. Malika dizaynerlikka o‘qib, Dior va Armani singari taniqli moda uylarida amaliyot ham o‘tagan. Keyinchalik u Tailandda o‘zining nomi bilan ataladigan o‘z brendini yaratdi.

Knyaginya Sharlin

Monako knyazining rafiqasi bo‘lganidan so‘ng Sharlin Uittstok kiyinishi borasida bir zumda o‘z muxlislariga ega bo‘ldi va moda ikonasiga aylandi. U chindan ham bu nomga loyiq: Sharlin hashamatli, shohona bezaklarsiz zamonaviy va ixcham liboslarni uyg‘unlashtirgan holda did bilan kiyinadi.

Qirolicha Raniya

Qirolicha Raniya nafaqat o‘zining faol insonparvarlik ishlari, balki har qanday vaziyatda va har qanday kiyimda munosib ko‘rinadigan qobiliyati uchun ham tahsinga loyiq. Ish kunlari Iordaniya qirolichasi qulay jinsi va bluzkalarni afzal ko‘radi, ammo rasmiy ziyofatlar uchun hashamatli dizaynerlik liboslarida ko‘rinish beradi. Aytgancha, Raniyaning eng sevimli dizaynerlaridan biri bu Giorgio Armani bo‘lib, u bir necha bor malikani o‘zining ilhom parisi deb atagan.

Qirolicha Maksima

Niderlandiya qirolining rafiqasi Argentinada tug‘ilgan. Shu sababli u eng klassik ko‘rinishni ham katta va ko‘zga tashlanadigan zargarlik buyumlari yoki aksessuarlar bilan muvaffaqiyatli uyg‘unlashtira oladi. Qirolicha Maksima ham Kembrij gersoginyasi kabi qirollik oilasining kiyinish uslubiga qo‘yiladigan qat’iy talablarga nisbatan ancha e’tiborsiz va muntazam ravishda o‘zining sevimli kiyimlarida bir necha bor namoyon bo‘lishdan uyalmaydi.

Malika Sharlotta

Monako malikasi Sharlotta Kasiragi o‘ziga xos uslubi bilan doimiy ravishda mashhur jurnallar sahifalarini bezaydi. Sharlotta zamonaviy kiyinishi bilan necha bor taniqli brendlarning yuziga aylangan.

Malika Dina

Bir necha yil oldin Saudiya Arabistoni malikasi o‘zining noodatiy kiyinishi va zamonaviy qisqa sochlari bilan dunyoning Fashion Week haftaligini zabt etgandi. Saudiya Arabistoni malikasi o‘z vatanida o‘zi asos solgan mashhur brend kiyimlar tarmog‘ining egasi hisoblanadi.

Qirolicha Letisiya

Qirolicha Letisiya turmushga chiqqunga qadar jurnalist bo‘lib ishlagan va qirolicha maqomiga erishsa-da, o‘z uslubiga xos bo‘lgan odmi libosda yuradi.