calendar 29 Jan 12:20
eye 97
comments 0
comments Manba: xs

Nuriston shaharchasi aholisi elektr tez-tez oʻchib qolayotganidan norozi

image

Talimarjon IES va «Shoʻrtan gaz-kimyo» majmuasi mutaxassislari va ularning oilalari istiqomat qilayotgan Nuriston shaharchasi, unga yondosh bir qator qishloqlarda elektr tez-tez oʻchib qolyapti. Mamlakatning gigant elektr korxonasi — Talimarjon IES joylashgan hududda,qolaversa oʻzlari shu sohada mehnat qilayotgan kishilar elektrdan toʻliq bahramand boʻla olmayotgani aholining haqli eʼtirozlariga sabab boʻlmoqda.

Yaqinda OʼzLiDePdan saylangan Qashqadaryo viloyati Kengashi deputati Ibrohim Halilov, partiyalar faollari, Qarshi muhandislik iqtisodiyot instituti oʻqituvchilari, Nishon tumani Kengashi deputatlari, kotibiyati bosh mutaxassislari ishtirokida Nuriston shaharchasidagi madaniyat saroyida “Deputat va saylovchilar” uchrashuvi oʻtkazilayotgan paytda ham elektr oʻchgan, anjumanlar saroyi juda sovuq edi.

I. Halilov saylovchilarga hisobot berar ekan, aynan elektr masalalariga ham toʻxtalib oʻtdi.

— 2021-yilning yanvar oyida Nishon tumanidagi korxona, tashkilot va muassasalariga 28 ta deputatlik soʻrovi chiqarib, shundan 5 tasiga javob oldim, xolos, — dedi u. — Nishon tumani elektr tarmoqlari korxonasiga shu yilning 11-yanvar kuni deputatlik soʻrovi chiqargan boʻlsam, 10 kun ichida javob olishim kerak edi. Lekin ular javob berishni oʻzlariga ep koʻrishmadi. Eʼtibor beringlar, deputatlik soʻroviga aytilgan masala hal etilishi yoki etilmasligidan qatʼi nazar javob berilishi kerak. Chunki nega muammo yechilmayotganini deputat sifatida men bilishim va masalani hal etish uchun viloyatdagi yoki respublikadagi tashkilotlarga murojaat qilishim uchun asos boʻladi. Agar saylovchilarga bu haqda xolis axborotni yetkazsak, ular tushunishadi. Masalan, Talimarjon IESda nosozlik roʻy bergani, bu toʻxtalishlarga barham berilayotgani yoki Nishon tumanining baʼzi mahallalarida gaz yoʻqligi sababli aholi qishning sovuq paytida elektrdan koʻp foydalanayotgani, natijada elektr kuchlanishining oshib ketishi tufayli transformatorlar dosh bera olmayotganini nega xalqdan yashirishimiz kerak. Xalq bilan uchrashuvlar oʻtkazmay, ularning qoʻngʻiroqlariga, soʻrovlarga javob bermay yurish xalq oʻrtasida ishonchsizlikni kuchayishiga sabab boʻladi.

Xalq vakili — Ibrohim Halilovning fikrlarini aholi toʻgʻri qabul qildi va nafaqat elektr bilan bogʻliq balki boshqa ijtimoiy muammolar boʻyicha murojaat qilishdi. ahamiyatli jihati shundaki, I. Halilov anjumanlar saroyiga yigʻilgan 200 nafardan ziyod aholi vakillari orasidan nechta kishi murojaat qilgan boʻlsa, hammasi bilan gaplashib chiqdi. Zalda birorta murojaatchi qolmaganidan soʻng u qabulni toʻxtatdi.

Masalan, “Jayron” MFYda yashovchi Ergash ota Husunov, “Nuriston” MFY hududidan Oysoat Qoʻchqorova ichimlik suvi masalasida, “Nurchi” MFYdan Maqsuda Boʻriyeva tadbirkorlik qilish uchun kredit olish boʻyicha, “Kimyogar” MFYdan Fotima Jumayeva va Rayhon Xurramova hamda boshqa koʻplab saylovchilar elektr, ichimlik suvi, yoʻl, davlat sherikchiligi asosida bogʻcha qurish, QVP, maktab, transport muammolari yuzasidan deputatga murojaat qilishdi. Eng muhimi, aholi tomonidan koʻtarilgan barcha muammolar deputat nazoratiga oʻtdi. Buyogʻi deputatning xalq tomonidan turib, oʻz vakolatlaridan foydalangan holda ijro etuvchi mahalliy hokimlik va mutasaddi rahbarlar eʼtiborini shu muammolarga qaratishiga hamda hal etilishida qoldi.

Faxriddin Bozorov,
“Xalq soʻzi”


Doʻstlaringiz bilan ulashing

05 Jul 14:38
 
43
0
qalampir.uz

Navoiyda 8 yoshli qizni mashina bosib ketdi (video)

Joriy yilning 1 iyul kuni soat 19:20 atrofida Navoiy viloyati Xatirchi tumanida 8 yoshli qiz yo‘l-transport hodisasi oqibatida halok bo‘ldi. Bu haqda QALAMPIR.UZ’ga Navoiy viloyati Ichki ishlar boshqarmasi matbuot kotibi Zoir Yo‘ldoshov xabar berdi. Qayd etilishicha, holat tumandan o‘tgan 4R48 avtomobil yo‘lida sodir bo‘lgan. BYD Song Plus Champion avtomashinasi tartibga solinmagan piyodalar o‘tish joyidan o‘tayotgan 2-sinf o‘quvchisini urib yuborgan. Hodisa oqiba

19 Jul 13:03
 
47
0
xs.uz

Shavkat Mirziyoyev Yevropa Komissiyasi Prezidentiga maktub yoʻlladi

Davlatimiz rahbari oʻz maktubida soʻnggi yillarda Oʻzbekistonning Yevropa Ittifoqi bilan keng qamrovli munosabatlarini sifat va mazmun jihatidan mutlaqo yangi bosqichga koʻtarishda, mamlakatimizdagi ortga qaytmas tus olgan demokratik va iqtisodiy-ijtimoiy islohotlarni har tomonlama qoʻllab-quvvatlashda Yevrokomissiya Prezidentining ulkan shaxsiy hissasi borligini alohida taʼkidladi.Birgalikdagi saʼy-harakatlar bilan hamkorlik barcha ustuvor yoʻnalishlarda yanada yuksak bosqichga koʻtari

11 Jul 17:31
 
64
0
xs.uz

Maldivlik olim dehqonchilik bilan tanishdi

Aytish joiz, Ali Naim Maldiv orollari davlatining Kolxufushi orolchasida joylashgan 'Meemu Atoll' maktabi direktori. Maldiv orollaridagi Respublika islom universitetining bakalavr va magistratura bosqichi, keyin aspiranturasini tamomlagan.' Ijtimoiy tarmoqlar orqali maʼlumotlarni jamlab, Oʻzbekistonda dehqonchilik sohasida gidroponika tizimidan foydalanish afzalliklarini oʻrganish maqsadida keldim, ' deydi Ali Naim. ' Fargʻona mirishkorlarining dehqonchilik madaniyatiga qoyil qoldim. Oltiari

24 May 16:47
 
54
0
qalampir.uz

Xorazmda o‘qituvchi dars paytida 2 o‘quvchini kaltakladi (video)

Ijtimoiy tarmoqlarda Xorazmda maktab o‘qituvchisi 2 nafar o‘quvchini dars xonasida kaltaklagani tasvirlangan videolavha tarqaldi.  Mazkur holat yuzasidan viloyat Maktabgacha va maktab ta’limi boshqarmasi Matbuot xizmati munosabat bildirdi. Bildirilishicha, voqea kecha, 23 may kuni Tuproqqal’a tumanidagi 6-sonli umumiy o‘rta ta’lim maktabida 6-sinf o‘quvchilariga geografiya fani dars mashg‘uloti o‘tkazilayotgan paytda sodir bo‘lgan. Videoda o‘qituvchi dars davom