calendar 17 Aug 04:30
eye 23
comments 0
comments Manba: sputniknews-uz

Marsel yoningizda: To'dako'l plyaji ochilishidan reportaj

image
Turizm
Havola olish
27 0 0

Kuni kecha, 16 avgust kuni, plyaj ixlosmandlari uchun Navoiy viloyatidagi To'dako'l suv ombori sohilida zamonaviy "Silk Road Family Resort" kurorti o'z bag'rini ochdi. Ko'rkam va bir qarashda hashamatli bu maskan 2022 yilda to'liq qurib bitkaziladi.

... Yangi kurort ochilishi haqida eshitiboq, To'dako'l sari otlangan dam oluvchilarni ochilish marosimiga tashrif buyurgan sal kam 40 kishidan iborat jurnalistlar guruhi boshida biroz "shoshirib" qo'ygani rost. Sal oldin yangi plyaj va plyaj hududidagi basseynda miriqib cho'milib, O'zbekistonning dunyoga mashhur ko'zni qamashtiruvchi quyoshi ostida bo'shashib, toblanib yotganlar, birdan sergak tortib, ustilariga sochiqlarini yopib, ko'rinishidan, cho'milishga kelmagani ayon bo'lib turgan bu mikrofon va kamera ko'targan odamlarni qiziqsinab tomosha qilishga o'tishgandi.

© Sputnik / Dilshoda Raxmatova.
To'dako'l qirg'og'ida yangi dam olish maskanining ochilishi

Hammasini boshidan boshlasak.

To'dako'l suv xavzasi - hozirgi, zamonaviy ko'rinishga kelgunga qadar, hatto ayrim bilimdonlar ham u borligi haqida eshitmagan, yoki bu yerga hordiq chiqarish mumkin, degan fikrdan yiroq bir maskan edi. Davlat rahbarining 19 iyundagi qarori bilan ko'l hududida turistik zonani tashkil etish nazarda tutildi.

© Sputnik / Dilshoda Raxmatova.
To'dako'l qirg'og'ida yangi dam olish maskanining ochilishi

Bu ishni shunchaki emas, balki qoyilmaqom qilib bajarish tashabbusi bilan buxorolik tadbirkorlar chiqqani uchun, bugun ko'pchilik plyaj Buxoroda joylashgan, deya adashmoqda. Ammo, Buxoro va Navoiy viloyatlari hokimliklari rasmiylarining jurnalistlar oldida qilgan chiqishlaridan maʻlum bo'ldiki, bir viloyatda joylashgan turistik zonaga ikkinchi viloyat biznes doirasining investitsiya kiritishi bahsli hudud degan tushunchani yuzaga keltirmaydi. Aksincha, turistik oqimning ortishi, qolaversa, mahalliy aholining ham chet elga emas, shundoq yonginasida turgan Frantsiyaning Marselidan hyech kami bo'lmagan kurortda dam olishi ikkala viloyat byudjyeti daromadini oshirishidan tashqari, ikkisiga ham tegishli bo'lgan ishsizlik masalasini bir muncha hal etishga yordam beradi.

To'dako'l qirg'og'ida yangi dam olish maskanining ochilishi

To'dako'l kurorti 15 gektar maydonni egallagan va obʻyekt birinchi bosqichda - 500 nafar, ikkinchi bosqichda esa 1500 nafardan ortiq sayyohni qabul qilish imkoniyatiga ega. Bugunning o'zidayoq 150 dan ziyod yangi ish o'rinlari yaratilgan. Shu bilan, To'dako'l kimniki, degan, ko'pchilik uchun tushunarsiz bo'lgan savolga nuqta qo'yildi.

© Sputnik / Dilshoda Raxmatova.
To'dako'l qirg'og'ida yangi dam olish maskanining ochilishi

...Havodan erkinlik nafasi ufurib turgan, to'lqinlar allalaydigan, suvi iliq To'dako'lda bo'lishni istasangiz, hozircha qariyb 30 kilometr noravon yo'lni bosib o'tishingizga to'g'ri keladi. Keyin ko'z oldingizda namoyon bo'ladigan manzara tufayli bir oz  toliqtiradigan bu adir-budir yo'llarni bir onda unutib yuborasiz. Kiraverishda issiqlik o'lchaydigan sanitar xodimning tekshiruvidan o'tib olsangiz bo'lgani, plyaj hududida ham ko'ngildagidek hordiq chiqarib, do'stlaringizdan kamida yuzlab "layklar"iga loyiq suratlarni olish mumkin.

© Sputnik / Dilshoda Raxmatova.
To'dako'l qirg'og'ida yangi dam olish maskanining ochilishi

...Hozircha sanoqli bo'lgan palma daraxtlari va 3 mingta yangi ekilgan ko'chatlarni aytmaganda (dekorativ daraxtlar soni obʻyekt qurilib bitkazilganda 7 mingtani tashkil etishi kutilmoqda) , sohil bo'yi deyarli soyasiz - qumliklar va lojuvard ko'ldan iborat. Ammo istovchilar uchun soyabonlar ham bor. Chor atrofga Muslim Magomayevning "Sinyaya vechnost" umrboqiy taronasi yangramoqda. Beixtiyor, besh yillar oldinga nazar solasiz va loyiha to'liq bitgach qanday ko'rinishga kelishini ko'z oldingizga keltirishga urinasiz.

Kichik "Disneylend", 50 kishilik otel, kema ko'rinishidagi restoran, spa-salon, tabiat qo'ynidagi gumbazsimon shakldagi uylar... Ushbu loyiha tashabbuskorlarning "omad chiptasi"ga aylanishiga va eng ommabom turistik yo'nalishga aylanishiga, ishongingiz keladi.

© Sputnik / Dilshoda Raxmatova.
To'dako'l qirg'og'ida yangi dam olish maskanining ochilishi

Aytgancha, plyaj bugun barcha uchun bepul. Tez kunda odam boshiga 100 ming, bolalar uchun 50 mingdan narx belgilanishi aytilmoqda.

Bu pulga istalgancha cho'milishingiz, sohil bo'yida joy olgan yog'och lejaklardan foydalanishingiz mumkin.

© Sputnik / Dilshoda Raxmatova.
To'dako'l qirg'og'ida yangi dam olish maskanining ochilishi

Ha, sal vaqt o'tib, odamlar kameralarga ham o'rgandi, endi ularning hyech birini nishonga olib turgan operator qo'rqitmas, aksincha, dam oluvchilar o'zini chirpirak bo'lib suvga otib, Magomayevga jo'r bo'lib, qo'shiq aytib bugungi kundan, pandemiyadan keyin mahalliy hukumat tomonidan yaratilayotgan bu sharoitlardan quvonchdaligini namoyon etardilar.

Aytgancha, istiqbolda O'zbekistonning eng yaxshi plyaji nomiga hozirdanoq daʻvogarlik qilayotgan To'dako'lga Buxoro avtovokzalidan to'g'ridan-to'g'ri reyslar qo'yilishi ham kutilmoqda.

Asosiy mavzular


Doʻstlaringiz bilan ulashing

17 Jan 13:20
 
28
0
xs.uz

Oromgohlarni majburiy sertifikatlashtirilishi talab etilmasligi belgilanmoqda — qonun loyihasi

Qonun loyihasining abul qilinishi kasaba uyushmalari tizimidagi bolalar sogʻlomlashtirish oromgohlaridan yil davomida samarali foydalanish va ularning moliyaviy barqarorligini taʼminlash orqali ularda bolalarga yaratiladigan shart-sharoitlarni yaxshilash, bolalarni sogʻlomlashtirish boʻyicha ishlar samaradorligini oshirish hamda yoʻllanmalar narxlarini barqarorlashtirishga xizmat qiladi. Qizgʻin bahs-munozaralardan soʻng, qonun loyihasi deputatlar tomonidan qabul qilindi.

06 Feb 16:30
 
27
0
qalampir.uz

Qalbaki dori sotgan feldsher ushlandi

Namangan viloyatida qalbaki dori vositalarini tayyorlash va sotish bilan shug‘ullangan tibbiyot xodimi ushlandi. Bu haqda Davlat xavfsizlik xizmati xabar berdi.  Bildirilishicha, DXXning Namangan viloyati bo‘yicha boshqarmasi xodimlari tomonidan bojxona va ichki ishlar organlari bilan hamkorlikda tezkor tadbir o‘tkazilgan. Unda Chortoq tuman Tibbiyot birlashmasining tez yordam bo‘limida feldsher bo‘lib ishlovchi shaxs “Zodak”, “Anaferon”, “Xilak Fo

10 Jan 10:25
 
30
0
qalampir.uz

Samarqandda ikki soliqchi besh yilga qamaldi

Samarqandda ikki nafar soliq inspeksiyasi xodimi pora olgani uchun qamaldi. Bu haqda Oliy sud matbuot kotibi xabar berdi. Ma’lum bo‘lishicha, Samarqand tumani soliq inspeksiyasi xodimi Bulung‘ur tumanida tadbirkorlik bilan shug‘ullanuvchi fuqaroga soliqlardan asossiz hisoblangan qarzdorlikni kamaytirishda yordam berishini aytgan. Soliq inspektori ushbu “xizmati” evaziga 1000 AQSH dollari talab qiladi. U tadbirkorning qariyb 300 mln so‘mlik soliq va penya qarzdorligini

06 Jan 18:15
 
31
0
qalampir.uz

Yangi hafta dollar kursi oshishi bilan boshlanadi

O‘zbekiston Respublikasi Markaziy banki xorijiy valyutalarning o‘zbek so‘miga nisbatan 8 yanvar kuni amalda bo‘ladigan qiymatini belgiladi. Unga ko‘ra, dollarning rasmiy kursi 28,84 so‘mga oshdi va 12 384,00 so‘mni tashkil qildi. Yevro kursi esa 67,38 so‘mga balandlab, 13 550,57 so‘m etib belgilandi. Rossiya rublining kursi esa 0,56 so‘mga ko‘tarilib, 136,20 so‘mni tashkil etdi.