“Taʼlim toʻgʻrisida”gi Qonun ekspertlar ishtirokida muhokama qilindi. Qanday oʻzgarishlar boʻlishi kutilmoqda?
Bugun, 4-avgust kuni Oliy Majlis Senati Fan, taʼlim va sogʻliqni saqlash masalalari qoʻmitasi Ishchi guruhining yigʻilishi boʻlib oʻtdi.
Unda tegishli vazirlik va idoralar vakillari hamda ekspertlar ishtirokida parlament yuqori palatasining navbatdagi yalpi majlisida koʻrib chiqilishi rejalashtirilgan “Taʼlim toʻgʻrisida”gi Oʻzbekiston Respublikasi Qonuni muhokama qilindi.
Muhokamada Qonunning qabul qilinishi bilan mamlakatimizda taʼlim sohasiga daxldor keng huquqiy imkoniyatlar yuzaga kelishi taʼkidlandi.
Yangi tahrirdagi Qonunga “davlat taʼlim muassasasi”, “davlat taʼlim standartlari”, “davlat taʼlim talablari”, “mutaxassislik”, “tarbiya”, “taʼlim”, “kampus”, “oʻquv dasturi” va “oʻquv rejasi” kabi yangi tushunchalarning mukammal izohi kiritilmoqda.
Bundan tashqari, Qonunda maktabgacha taʼlim va tarbiya masalasiga alohida eʼtibor qaratilmoqda. Xususan, maktabgacha yoshdagi bolalarni oʻqitish va tarbiyalashga, ularni intellektual, maʼnaviy-axloqiy, etik, estetik va jismoniy jihatdan rivojlantirishga, bolalarni umumiy oʻrta taʼlimga tayyorlashga qaratilgan uzluksiz taʼlim turini amaliyotda keng qoʻllashga ustuvor ahamiyat qaratilmoqda.
Qonunda taʼlim jarayonida mehnat qilayotgan mutaxassislar, qolaversa, ota-onalarning huquqiy maqomi, ularning ijtimoiy muhofazasiga doir jihatlar hamda majburiyatlariga oydinlik kiritilmoqda.
Shu bilan birga, Qonun 11 yillik majburiy umumiy oʻrta taʼlim, umumtaʼlim maktabi bitiruvchilariga qiziqishlari boʻyicha kasb-hunar oʻrgatish tizimini yoʻlga qoʻyish, akademik litseylar, kasb-hunar kollejlarida taʼlim berish muddati va mazmunining oʻzgarishi, mulkchilik va tashkiliy-huquqiy shaklidan qatʼi nazar, yuridik shaxslarga barcha taʼlim turlari boʻyicha nodavlat taʼlim xizmatlarini koʻrsatishga ruxsat berilishi ham jamiyatimizda intellektual mulk salohiyatidan samarali foydalanish, ilm-maʼrifatga doir ish joylarining kengayishiga imkon beradi.
Shuningdek, muhokama chogʻida mazkur Qonun taʼlim tizimini tartibga solish maqsadlariga xizmat qilishi taʼkidlanib, ushbu hujjat yuzasidan taklif va fikr-mulohazalar bildirildi.
Shavkat Mirziyoyev Moskvaga tashrif buyuradi
Oʻzbekiston prezidenti Shavkat Mirziyoyev Rossiyaga tashrif buyuradi. Bu haqda Prezident matbuot xizmati xabar berdi.Qayd etilishicha, Prezident 7'8-oktyabr kunlari Moskvada boʻladi.Davlatimiz rahbari MDH Davlat rahbarlari kengashining navbatdagi majlisi doirasidagi tadbirlarda ishtirok etadi.
Prezident Toshkent shahrining bosh rejasi loyihasini koʻrib chiqdi
Prezident Shavkat Mirziyoyev 9-oktyabr kuni Toshkent shahrining bosh rejasi loyihasi bilan tanishdi.Bugungi kunda shahar hududi 43 ming 822 gektar, aholi soni 3 milliondan ziyod. Kelgusida bu miqyos yanada oshib borishi tayin. Shu bois Toshkent shahrining 2045-yilgacha boʻlgan davrga moʻljallangan bosh rejasi loyihalashtirildi.Davlatimiz rahbari bu boradagi ilk ishlanmalar bilan 2022-yilda tanishgan edi. Unda berilgan koʻrsatma va tavsiyalar asosida loyiha takomillashtirildi. 'Toshkentboshpla
Saylov jarayonlarini raqamlashtirish: xorij va Oʻzbekiston tajribasi
Sir emas, bugun demokratik jarayonlarni raqamlashtirish davlat boshqaruvini modernizatsiya qilish va fuqarolarning siyosiy jarayonlardagi ishtirokini oshirish yoʻlida muhim qadam hisoblanadi. Buni bugungi kunda zamonaviy axborot texnologiyalarining saylov jarayoniga taʼsiri sezilarli darajada ortib borayotgani misolida ham buni kuzatish mumkin. Zero, soʻnggi davrda yurtimiz saylov amaliyotida axborot-kommunikatsiya texnologiyalari yangi imkoniyatlaridan keng foydalanish boʻyicha ilgʻor tajr
Jizzaxda “Lacetti” yoʻl chetidagi toʻsiqqa urilib, pastlikka tushib ketdi
Jizzax viloyatida 'Lacetti' avtomashinasi yoʻl chetidagi beton toʻsiqqa urilib, pastga tushib ketdi. Bu haqda viloyat Ichki ishlar boshqarmasi YHXB xabar berdi.Qayd etilishicha, hodisa 24-iyun kuni soat 13:00 larda Jizzax viloyatining Sharof Rashidov tumani hududidan oʻtgan M-39 'Toshkent-Termiz' avtomobil yoʻlining 982 km da sodir boʻlgan.Maʼlum boʻlishicha, Samarqand viloyatida yashovchi 30 yoshli haydovchi 'Lacetti' avtomashinasini boshqarib ketayotganda rul boshqaruvini yoʻqotgani tu