Jinoyat joyini o‘rganish – dalillarni topish, yig‘ish va hujjatlashtirish, gumon qilinuvchilarni aniqlash uchun barmoq izlari tahlili, qalbaki hujjatlarni tekshirishda eks­pert-kriminalistdan kuchli tahlil qilish va diqqat bilan ishlash qobiliyatiga ega bo‘lish, sabr-toqat va aniqlik bilan xulosani taqdim eta bilish talab etiladi. 

Namangan viloyati Davlatobod tumani IIB Eks­pert-kriminalistika guruhi xodimlari o‘tgan yili tuman hududida sodir etilgan 284 ta hodisa va jinoyat joyini ko‘zdan kechirishda ishtirok etdi. Jarayonda 

219 ta ashyoviy dalillar olin­gan. 54 ta tadqiqot bajarilgan. 18 ta jinoyat qo‘l barmoq izlari orqali «shaxsni identifikatsiya qilish» tizimi yordamida fosh etildi. 

12 ta jinoyat fotosurat va video­yozuvlar yordamida aniqlangan. Soha mutaxassislari 2500 ga yaqin tezkor qidiruv va tergov harakatlarida ishtirok etishgan. Shaxsan o‘zim ishtirokimda 62 ta eks­pertiza ishlari bajarildi. Ayrim ishlarni misol tariqasida keltirib o‘taman.

«Orzu» mahallasida ya­shovchi H.A. ismli ayol tilla buyumlari yo‘qolganligi haqida mu­rojaat qiladi. Ushbu holat yuzasidan voqea joyiga borib o‘rganilganda, hodisa joyiga kirishdagi ikki qanotli eshikni ko‘zdan kechirish vaqtida olin­gan qo‘l barmoq izlari 1985-yilda tug‘ilgan N.E.ga tegishli ekani ma’lum bo‘ldi.  

2024-yil 6-avgust kuni «Navbahor» mahallasida 

ya­shovchi fuqaroning xonadonida bosh sohasida tan jarohati olgan holatda jasadi topildi. Qotil iz qoldirmaslikka harakat qilgan. Lekin xonadondagi daftarda uning barmoq izlari qolib ketgan. Ular 1975-yilda tug‘ilgan A.U.ga tegishli ekani ayon bo‘ldi.

Aniqlanishicha, marhuma qarz­dor bo‘lgan. Gumon qilinuvchi undan pullarini olgani kelganida o‘rtalarida janjal chiqqan. Shunda gumon qilinuvchi mehmonxonadagi shisha idish bilan ayolning boshiga bir necha marotaba urgan. Yetkazilgan tan jarohati tufayli uy bekasi vafot etgan. Bu kabi misollarni ko‘plab keltirish mumkin.

– Yil boshidan buyon 40 marotaba voqea joyiga chiqdim. 13 ta tadqiqot va 

9 ta ekspertiza ishlarini amalga oshirdim. Bundan tashqari, targ‘ibot-tashviqot ishlari ham olib bormoqdamiz. Xususan, yaqinda Davlatobod tumani madaniyat markazida Eks­pert-kriminalistika markazida joriy etilgan yuridik va jismoniy shaxslarga ekspertlik il­miy-tadqiqot hamda axborot xiz­matlarini ko‘rsatish bo‘yicha targ‘ibot ishlari olib borildi.

Shuningdek, tuman tibbi­yot birlashmasi ko‘p tarmoqli markaziy poliklinikasi xodimlari o‘rtasida ham tushuntirish ishlari olib borildi. Zimma­mizdagi mas’uliyatli vazifalarni amalga oshirish jarayonida dalillarni sinchkovlik bilan tahlil qilayotganimiz samara bermoqda.

Azamjon BABAYEV,

Davlatobod tumani IIB EKG katta eksperti, mayor.