27 Jan 00:53

Manba: xs.uz

Prezident Farmoni bilan “Made in Uzbekistan” dasturi ishga tushiriladi

Oʻzbekiston Prezidentining 2025'2027-yillarda toʻqimachilik va tikuv-trikotaj sanoatida qayta ishlash zanjirini rivojlantirish boʻyicha Farmoni qabul qilindi. Ushbu hujjat tarmoqning barqaror rivojlanishini taʼminlash, eksport hajmini oshirish va xalqaro bozorlarda milliy mahsulotlarni keng targʻib qilishga qaratilgan.

Farmon doirasida bir qator maqsadli koʻrsatkichlar belgilangan boʻlib, 2025-yilda eksportni 4 milliard, 2026-yilda 5 milliard, 2027-yilga kelib esa 7 milliard AQSH dollariga yetkazish rejalashtirilgan. Shuningdek, AQSH va Yevropa bozorlariga 500 million dollarlik tayyor mahsulot eksport qilish maqsad qilingan.

Farmon doirasida 'Made in Uzbekistan' dasturi amalga oshiriladi. Bu dastur mahalliy mahsulot va brendlarni xalqaro savdo maydonlarida keng targʻib qilish, ularni joylashtirish va reklama qilishga qaratilgan.

Ushbu tashabbus orqali Oʻzbekistonda ishlab chiqarilgan mahsulotlar xalqaro miqyosda tanilishi va jahon bozorida oʻz oʻrniga ega boʻlishi kutilyapti. 'Made in Uzbekistan' dasturi nafaqat milliy mahsulotlar imijini yaxshilaydi, balki tarmoqning eksport salohiyatini oshirishda muhim qadam boʻladi.

Toʻqimachilik sanoatida qayta ishlashni chuqurlashtirish va raqobatbardosh mahsulotlar ishlab chiqarish uchun 5 milliard AQSH dollari miqdorida xorijiy investitsiyalar va kreditlarni jalb qilish nazarda tutilgan. Shuningdek, zamonaviy texnologiyalar va dizaynerlik ishlanmalarini joriy qilish orqali eksportda tayyor tikuv-trikotaj mahsulotlarining ulushini 70 foizga yetkazish maqsad qilingan.

Tarmoqdagi tadbirkorlarni moliyaviy qoʻllab-quvvatlash uchun qulay shart-sharoitlar yaratiladi. 'Savdoni rivojlantirish kompaniyasi' huzurida tashkil etiladigan faktoring tashkiloti korxonalarga yangi moliyaviy imkoniyatlar yaratib, ularning barqaror rivojlanishini taʼminlaydi.

Prezident Farmoni tarmoqni sifat jihatdan yangi bosqichga koʻtarish, yangi ish oʻrinlari yaratish va Oʻzbekistonning jahon bozoridagi mavqeyini mustahkamlashga qaratilgan keng koʻlamli islohotlarning bir qismi boʻlib, milliy sanoatning xalqaro darajada tanilishini taʼminlashga xizmat qiladi.

Doʻstlaringiz bilan ulashing

Jamiyat

20 Mar 12:54

xs.uz

Prezident Kichik biznes uyushmasini tashkil qilish tashabbusini qoʻllab-quvvatladi

Prezidentning kichik va oʻrta biznes vakillari bilan uchrashuvida kichik biznesdagi kelgusi qadamlarni belgilab beradigan besh yillik strategiya ishlab chiqilgani taʼkidlandi.Buni xalqaro moliya tashkilotlari ham qoʻllab-quvvatlab, yangi biznes yoʻnalishlari boʻyicha ilgʻor tajriba, innovatsiya, texnologiya va xalqaro standartlarni joriy qilishda koʻmaklashishga, buning uchun hozirni oʻzida 470 million dollar resurs ajratishga tayyor.Jumladan, Osiyo taraqqiyot banki 'Moliyaviy ommaboplik

Jamiyat

20 Mar 12:54

xs.uz

Tadbirkor ayollarga garovsiz kredit ajratiladi

Oʻzbekistonda ayollar tadbirkorligini rivojlantirish va ularni qoʻllab-quvvatlash boʻyicha yangi dasturlar joriy etilmoqda. Prezidentning 2025-yil 14-martdagi 'Oila va xotin-qizlarni qoʻllab-quvvatlash tizimini yana-da takomillashtirish chora-tadbirlari toʻgʻrisida'gi qaroriga koʻra, ayollar bandligini oshirish, taʼlim olish imkoniyatlarini kengaytirish va ularning tadbirkorlik faoliyatini qoʻllab-quvvatlash boʻyicha qator maqsadli chora-tadbirlar amalga oshiriladi.Qarorga muvofiq, 202

Jamiyat

12 Apr 21:14

xs.uz

Toʻrtta viloyatda “valyutchik”lar qoʻlga olindi

Departamentning Xonobod shahri boʻlimi va IIB xodimlari hamkorligida oʻtkazilgan tezkor tadbirda valyuta qimmatliklari savdosi bilan shugʻullanib kelgan E.R. fuqaro A.T.ga 3 000 AQSH dollarini 38,7 million soʻmga sotgan vaqtida ushlanib, 3 000 AQSH dollari, 35 950 Rossiya rubli va 3 000 qirgʻiz somi ashyoviy dalil sifatida olingan.Shu kabi, Departamentning Quyichirchiq tumani boʻlimi tomonidan oʻtkazilgan tezkor tadbirda fuqaro M.A. fuqaro U.B.ga 1 900 AQSH dollarini 24,7 million soʻmga,

Jamiyat

04 Apr 16:19

xs.uz

Chiqindi poligonlarida ekosanoat zonalari tashkil etiladi

Chiqindilarni qayta ishlash sohasini yanada takomillashtirish va kompleks tizimlashtirish maqsadida Prezident Farmoni qabul qilindi. Bu haqda 'Huquqiy axborot' kanali xabar berdi.Unga koʻra, chiqindilarni qayta ishlash sohasida bir qator asosiy yoʻnalishlar belgilandi. Jumladan, mavjud qattiq maishiy chiqindi poligonlarini 2030-yilgacha 50 foizga qisqartirish va yangi hosil boʻlayotgan chiqindilarni poligonlarga yoʻnaltirmasdan, ularni maksimal darajada qayta ishlash yoki kuydirish belgiland