NATO qiruvchi samolyotlari Boltiq dengizi uzra uchayotgan Rossiyaning beshta harbiy samolyotini aniqlab qurshab olgan. Latviya harbiy-havo kuchlariga koʻra, rus samolyotlarida parvoz rejalari yoki faol transponderlari boʻlmagani uchun vaziyatni chigallashtirilgan. Bu haqda 'Newsweek' xabar berdi.

Maʼlum boʻlishicha, Rossiyaga tegishli samolyotlari ikki alohida holatda Boltiqboʻyi davlatlari yaqinidagi xalqaro havo hududida uchib yurganida radarlarga tushib qolgan. Moskva oʻchoqlari mintaqadagi transponderlarini oʻchirib qoʻyishi odatiy holdir, bu NATOning potentsial javobini sinab bilish uchun boʻlishi ham mumkin. 'Asirga olingan' samolyotlar orasida bitta 'Sukhoi Su-35' va toʻrtta 'Sukhoi Su-30MKI'lar bor.

Qayd etilishicha, Latviya hududida joylashtirilgan 'Eurofighter' qiruvchi samolyotlari hodisaga tezkorlik bilan javob qaytardi va Rossiya samolyotlariga yetib olgan. NATO davlatlari Rossiyaning hujumlaridan xavfsiragan holda shu kabi havo hududi monitoringini kuchaytirishmoqda. Eslatib oʻtish kerakki, sentyabr oyi boshida Rossiyaning uchuvchisiz samolyoti Belarusdan kirib kelganidan soʻng Latviyada qulagan edi.

Umuman olganda, NATO ayrim hollarda mintaqada sunʼiy xaos koʻtarishdan manfaatdordek ham tuyilmoqda. Masalan, oʻtgan hafta oʻrtasida Latviya radarlari Belarus chegarasi yaqinida nomaʼlum obyektni aniqlaganida NATOning navbatdagi havo tekshiruvlari boshlangan hamda tashkilot oʻz qiruvchi samolyotlarini yuborgandi. Keyinchalik esa bu obyekt qushlar galasi boʻlib chiqqandi.

NATO Boltiqboʻyi va Polshada ham Ukrainadagidek holat takrorlanishidan xavotirda. Agarda bunday holat yana takrorlansa, tashkilotning 5-moddasi qoʻllanilishi mumkin. Bunda biron bir aʼzo hujumga uchrasa, qolganlari uni himoya qilish uchun qurolli kuchlarini safarbar etishga majbur. Bu qoida faqat bir marta, 2001-yildagi 11-sentyabr xurujlaridan keyin qoʻllanilgan.

Avvalroq, qaysi yengil avtomobil Oʻzbekistonda koʻproq ishlab chiqarilgani haqida xabar berilgandi.