Germaniya kansleri Olaf Shols 15html5-dom-document-internal-entity1-minus-end17-sentyabr kunlari Oʻzbekiston va Qozogʻistonga tashrif buyuradi. Bu haqda Germaniya hukumatining rasmiy vakili Shteffen Xebeshtrayt maʼlum qildi.

Qayd etish kerakki, Olaf Shols hukumatga kelgandan beri hali Markaziy Osiyoga tashrif buyurmagandi. Nemis hukumati tomoni kanstlerga mintaqa davlatlari bilan hamkorlikni chuqurlashtirish maqsadida 'katta biznes delegatsiyasi' hamrohlik qilishini ham bildirgan.

Maʼlum boʻlishicha, nemis siyosatchisi Oʻzbekiston va Qozogʻiston prezidentlari bilan ikki tomonlama muzokaralar oʻtkazadi. Bundan tashqari, 17-sentyabr kuni Qozogʻistonda boʻlib oʻtadigan 'Markaziy Osiyo-Germaniya' (5+1) ikkinchi sammitida ishtirok etadi.

Birinchi sammit 2023-yil sentyabr oyida Berlinda boʻlib oʻtgan va unda mintaqa davlatlari rahbarlari Germaniya bilan strategik mintaqaviy sheriklik oʻrnatish taklifini qoʻllab-quvvatlagandi.

'Kanslerning safari ham ushbu mintaqaviy hamkorlikka hayot bagʻishlaydi', deyiladi Germaniya hukumati bayonotida.

Maʼlumot uchun aytish kerakki, Germaniyada oliy siyosiy amaldor kansler hisoblanadi. Kansler mamlakatning eng qudratli arbobi hisoblanadi. Koʻpincha siyosiy hokimiyat nuqtayi nazaridan bunday amaldor 'birinchi raqamli shaxs' deb ataladi. Germaniya prezidenti asosan mamlakatdagi boshqa ishlarda faollik koʻrsatadi.

Avvalroq, Oʻzbekiston 7 oyda qiymati 28,3 million AQSH dollarlik choy import qilgani haqida maʼlum qilingandi.