calendar 26 Jul 10:20
eye 60
comments 0
comments Manba: qalampir.uz

Qoraqalpog‘istonda hokim o‘rinbosari javobgarlikka tortildi

image

Qoraqalpog‘iston Respublikasi Shumanay tumani hokimi o‘rinbosari MCHJ rahbari “Tadbirkor virtual ofisi” orqali yo‘llagan murojaatni bir oydan ortiq vaqt o‘tgandan keyin ko‘rib chiqqani uchun javobgarlikka tortildi. Bu haqda Biznes-ombudsman xabar berdi.

Ma’lumki, O‘zbekiston Respublikasi “Jismoniy va yuridik shaxslarning murojaatlari to‘g‘risida”gi Qonunning 27-moddasida murojaatlarni ko‘rib chiqish natijalari va qaror qabul qilish tartibi tasdiqlangan. Unga ko‘ra, murojaatlarni ko‘rib chiqishdan so‘ng davlat organi, tashkilot yoki ularning mansabdor shaxslari har bir ariza va shikoyat bo‘yicha qaror qabul qiladi. Bu haqda murojaatchiga darhol yozma yoki elektron shaklda xabar yetkazadi. 

Qonunning 28-moddasida esa ariza yoki shikoyat masalani mazmunan hal etishi shart bo‘lgan davlat organi, tashkilot yoki ularning mansabdor shaxsiga kelib tushgan kundan e’tiboran 15 kun ichida, qo‘shimcha o‘rganish va (yoki) tekshirish, qo‘shimcha hujjatlarni so‘rab olish talab etilganda, 1 oygacha bo‘lgan muddatda ko‘rib chiqilishi belgilab qo‘yilgan.

Mansabdor shaxs yuqoridagi harakati orqali “Jismoniy va yuridik shaxslarning murojaatlari to‘g‘risida”gi Qonun talablarini buzib, O‘zbekiston Respublikasi Ma’muriy javobgarlik to‘g‘risidagi kodeksning 43-moddasida nazarda tutilgan huquqbuzarlikni sodir etgani uchun unga nisbatan Biznes-ombudsman devoni tomonidan ma’muriy bayonnoma tuzilgan.

Ma’lumot uchun, joriy yil boshidan bugungi kunga qadar Qoraqalpog‘iston Respublikasida mansabdor shaxslar tomonidan jami 88 ta huquqbuzarlik sodir etilgan bo‘lib, Biznes-ombudsman devoni tomonidan ularga nisbatan tegishli tartibda ma’muriy bayonnoma tuzilgan.

Eslatib o‘tamiz, oldinroq Sayxunobod tumani hokimining qishloq va suv xo‘jaligi masalalari bo‘yicha o‘rinbosari qishloq xo‘jaligi mahsulotlari yetishtirish bilan shug‘ullanmoqchi bo‘lgan tadbirkorga Sardoba tumani hududidan 6 gektar yer maydoni olib berish evaziga 20 ming AQSH dollari hamda viloyat O‘rmon xo‘jaligi boshqarmasi tasarrufida bo‘lgan va Sayxunobod tumani hududida joylashgan 50 sotix yer maydonini yengil konstruksiya ko‘rinishida qurilish qilishi uchun ijara shartnomasi asosida rasmiylashtirib berish evaziga 5 ming AQSH dollari, jami 25 ming AQSH dollari talab qilgan va tezkor tadbirda so‘ralgan pul mablag‘ini olgan vaqtida ashyoviy dalillar bilan ushlangandi. 


Doʻstlaringiz bilan ulashing

28 Feb 01:17
 
48
0
xs.uz

Toza va qulay atrof-muhit — inson huquqlarini ta’minlash kafolati

Mazkur tadbir inson huquqlari va atrof-muhit o'rtasidagi o'zaro bog'liqlikni aks ettirish, ekologik xavfsizlikni ta'minlash va fuqarolarning toza muhitda yashash huquqini mustahkamlashga qaratilgan. Shuningdek, tadbirda xorijiy davlatlarning Ombudsmanlari, milliy institutlar, vakolatli davlat organlari va xalqaro tashkilotlar o'rtasida tajriba almashish va hamkorlikni mustahkamlashga alohida e'tibor qaratildi.Konferensiya Oliy Majlisning Inson huquqlari bo'yicha vakili (ombudsman), BMT Taraqqiyo

12 Apr 21:14
 
12
0
xs.uz

“Leapmotor” Oʻzbekistonda oʻtkazilgan avtomobil testi natijalaridan noroziligini bildirdi

Xabarda testga yuborilgan avtomobil ishlab chiqaruvchi tomonidan taqdim etilmagani va bu juda muhim omil ekanini qayd etgan.'Avtomobilni testga yuborishdagi holatlar va testlar qanday sharoitda oʻtkazilgani bizga nomaʼlum. Shu sababli, biz test natijalariga norozilik bildiramiz. Shaffof va obyektiv sinovlar orqali 'Leapmotor' mahsulotlarining haqiqiy holati baholanishiga umid qilamiz' deyiladi izohda.Kompaniya mazkur masala boʻyicha Oʻzbekiston tomoni bilan hamkorlikda ishlayotganini va test

18 Apr 11:07
 
15
0
xs.uz

Prezident Buloqboshida mahalliy mahsulotlar sifatini koʻzdan kechirdi

Mamlakatimizda xomashyoni qayta ishlab, qo'shilgan qiymat yaratishga alohida ahamiyat qaratilmoqda. Mazkur korxona ham mato to'qish, bo'yash va tayyor trikotaj ishlab chiqarish yo'nalishidagi yirik loyihalardan biri.Bu yerda yiliga 4 million 200 dona, 50 turdagi mahsulotlar tayyorlanadi.''Mingga yaqin fuqaro ish bilan ta'minlangan.''Xodimlar malakasini oshirish ham e'tiborda. Buning uchun dizaynerlik markazi tashkil etilgan.Turkiya, Germaniya va Xitoydan keltirilgan ilg'or uskunalar ish unumdorl

28 Feb 01:17
 
57
0
xs.uz

O‘zbekiston kasaba uyushmalari Federatsiyasi delegatsiyasi — AQSHda

Bu haqda O'zbekiston kasaba uyushmalari Federatsiyasi Matbuot xizmati ma'lum qildi.Xabarda qayd etilishicha, Amerika oromgohlari Assotsiatsiyasi 1910-yilda tashkil etilgan bo'lib, AQSHning oromgoh dasturlari xavfsizligi va sifati uchun yuqori standartlarni ishlab chiquvchi va oromgohlarni akkreditatsiyadan o'tkazuvchi nufuzli tashkilot hisoblanadi. Assotsiatsiyaning bir asrdan ziyod faoliyati natijasida AQSH oromgohlari dunyodagi eng yaxshi, xavfsiz, sifatli va so'lim oromgohlarga aylangani beji