Fargʻona viloyati hokimligi, Respublika Maʼnaviyat va maʼrifat markazi, madaniyat vazirligi, Oʻzbekiston mahallalari uyushmasi, 'Maʼrifat' targʻibotchilar jamiyati hamkorligida oʻtkazilayotgan tadbirlar doirasida viloyat boʻylab poytaxtdan tashrif buyurgan taniqli ijodkor va sanʼatkorlar, olimlar ishtirokida turli uchrashuvlar tashkil etilmoqda.

' Festival davomida 'Vatan madhi' konsert dasturi, 'Mutolaa marafoni', 'Eng maʼnaviyatli mahalla' tanlovi, 'Maʼrifat tur', 'Ziyolilar forumi', 'Uch avlod uchrashuvi', 'Oila ' maʼnaviyat qoʻrgʻoni', 'Milliy birdamlik' kabi kitobxonlik, sport musobaqalari hamda ijtimoiy loyihalar boʻlib oʻtmoqda, ' deydi Maʼnaviyat va maʼrifat markazi Fargʻona viloyati boʻlimi rahbari Maʼsudjon Sulaymonov. ' Yuzma-yuz muloqotlar hamyurtlarimizning bugungi islohotlar jarayonidagi faolligini oshirib, daxldorlik tuygʻusini yuksaltirishiga ishonamiz.

Xususan, Margʻilon shahridagi 'Doʻstlik', 'Baxrin' va 'Saxovat' MFYda oʻtkazilgan tadbirlarda teatrlashtirilgan badiiy dastur tashkil etildi, qatnashchilar qadrdon kuy-qoʻshiqlar, sheʼriy mushoiradan bahramand boʻlishdi.

'Inson qadri' loyihasi doirasida Margʻilon shahrida istiqomat qiluvchi bir guruh nuroniylardan xabar olinib, ularga yuksak hurmat va ehtirom koʻrsatildi.