'Korzinka' (Anglesey Food) supermarketlar tarmogʻiga nisbatan tegishli tartibda ish qoʻzgʻatdi. Bu haqda Raqobatni rivojlantirish va isteʼmolchilar huquqlarini himoya qilish qoʻmitasi maʼlum qildi.

Qayd etilishicha, 'Korzinka' tomonidan turli xil usullarda tarqatilayotgan reklama axborotida 'Kundalik xaridlarga eng arzon narx', 'Eng arzon narx ' Korzinkada', 'html5-dom-document-internal-entity1-hellip-endEng unumlisiga keling!' degan reklamasida foydalanuvchilarni chalgʻitadigan yoki chalgʻitishi mumkin boʻlgan soʻz jumlalaridan foydalanilganligi kuzatilgan.

Mazkur reklama axborotlaridagi maʼlumotlarni oʻrganish natijasida, aksiya doirasida kundalik ehtiyojlar uchun kerak boʻladigan maʼlum bir miqdordagi mahsulotlardan iborat boʻlgan katalog joriy qilinganligi maʼlum boʻlgan.

Qayd etilishicha, 'eng arzon narx' deb eʼlon qilingan mahsulotlarning alohida turlari boʻyicha narxlari boshqa supermarketlar va dehqon bozorlarida sotilayotgan xuddi shu turdagi mahsulotlar narxiga nisbatan yuqoriligi kuzatilgan. Qoʻmita reklamani bunday koʻrinishda boʻlishi reklamadan foydalanuvchilarni chalgʻitishga olib keluvchi holat deb hisoblagan.

'Yuqoridagilarga koʻra, Oʻzbekiston Respublikasining 'Reklama toʻgʻrisida'gi Qonuni 5-moddasi, 16-moddasi birinchi qismi va Oʻzbekiston Respublikasining 'Isteʼmolchilar huquqlarini himoya qilish toʻgʻrisida'gi Qonuni 6-moddasi birinchi qismi talablari buzilishi alomatlari yuzasidan 'Anglesey Food' MCHJga nisbatan belgilangan tartibda ish qoʻzgʻatildi', deyiladi xabarda.

Avvalroq, Raqobat qoʻmitasi Buxoroda 'elektroset' qoʻshib yozgani aniqlab, korxonaga nisbatan nisbatan ish qoʻzgʻatgandi.

'

'