Mazkur oʻzgarish haqda xabar bergan 'Deutsche Welle' nashrining yozishicha, Federal moliya vaziri Kristian Lindner Olmoniyada ishlagan dastlabki uch yil davomida chet ellik mutaxassislar uchun soliq imtiyozlarini eʼlon qildi. Malakali mutaxassislar uchun chegirmalar 30, 20 va 10 foiz boʻladi. Qayd etilishicha, bu reja muxolifatdagi siyosatchilar va kasaba uyushmalari vakillari tomonidan tanqidga uchradi.

Tanqidchilarning taʼkidlashicha, soliq imtiyozlari mahalliy ishchilarning haqli eʼtirozlariga sabab boʻlishi mumkin. 'Yashillar' partiyasi rejaning Germaniya Konstitutsiyasiga mos kelishidan xavotir bildirgan. Ularning fikricha, bu Germaniya asosiy qonunidagi tenglik tamoyilini buzishi mumkin.

Federal mehnat vaziri Xubertus Xayl ham rejadan xavotir bildirdi. Jamoatchilikda tushunmovchiliklarga yoʻl qoʻymaslik zarurligini taʼkidladi. Iqtisodiy ragʻbatlantirishga intilayotgan 'Erkin demokratik partiya' esa tanqidni asossiz va mamlakatdagi demografik muammolarni hal qilishdagi 'kalit' sifatida koʻrmoqda.

Ayni paytda Germaniya iqtisodiy oʻsishga toʻsqinlik qiladigan malakali ishchilarning katta tanqisligiga duch kelmoqda. Taklif etilayotgan soliq imtiyozlari esa mamlakatga koʻproq malakali ishchilarni jalb qilishga qaratilgan.

Avvalroq, sobiq futbolchi Toni Kroos Germaniya 10-yil avvalgidek xavfsiz emasligi immigiratsiya bilan bogʻlagan edi.