calendar 11 Jul 15:12
eye 126
comments 0
comments Manba: xs.uz

Toshkentda bankni oʻmarmoqchi boʻlgan kiberjinoyatchilar ushlandi

image
Toshkent shahridagi banklarning birini oʻmarmoqchi boʻlgan kiberjinoyatchilar ish ustida dalillar bilan qoʻlga olindi. Bu haqda DXX xabar berdi.

Maʼlum qilinishicha, Davlat xavfsizlik xizmatining Toshkent shahar boʻyicha Boshqarmasi xodimlari tomonidan shahar Ichki ishlar bosh boshqarmasi bilan hamkorlikda tezkor-qidiruv tadbirlari olib borilgan. Natijada, bank hisob raqamlari hamda bank ilovasiga ulangan fuqarolarning plastik kartalarida saqlanayotgan pul mablagʻlarini xakerlik hujumi orqali noqonuniy oʻzlashtirishga uringan shaxslarning qilmishlari fosh etilgan.

Xususan, aniqlanishicha, Toshkent shahridagi banklardan birining sobiq xodimi hozirgi kunda mazkur bankda mutaxassis lavozimida ishlovchi tanishidan bankning dasturiy taʼminoti va hisob raqamlariga kirish imkoniyatini beruvchi kodlarni 6500 AQSH dollari evaziga sotib olgan.

Soʻngra, u Namangan viloyatining Toʻraqoʻrgʻon tumanida yashovchi, 51 yoshli muqaddam firibgarlik bilan bogʻliq jinoyatlari uchun 3 marotaba sudlangan shaxs hamda Toshkent viloyatining Qibray tumanida istiqomat qiluvchi, 35 yoshli fuqaro bilan oʻzaro til biriktirib, dastlab bank hisob raqamlarida hamda bank ilovasiga ulangan fuqarolarning plastik kartalarida saqlanayotgan jami 370 mlrd. soʻm mablagʻni xaker jalb qilgan holda oʻgʻirlashni, keyin esa offshor hududlar orqali chet eldagi tanishlariga tegishli hisob raqamlarga oʻtkazishni reja qilishadi.

Qonunbuzarlar 189 mlrd. soʻmni chet el valyutasiga konvertatsiya qilishga va offshor hududlar orqali xorijdagi hisob raqamiga oʻtkazishga uringan vaqtlarida jinoyat ustida qoʻlga olindi.

Tergovga qadar tekshiruv davomida aniqlanishicha, ular oʻzlarining qabih niyatlari amalga oshgan taqdirda, goʻyoki bankning dasturiy taʼminotiga chet eldan xakerlik hujumi boʻlganligi toʻgʻrisida yolgʻon maʼlumot tarqatishni rejalashtirishgan.

Hozirda holat yuzasidan mazkur shaxslarga nisbatan Jinoyat Kodeksining 25,169-moddasi 4-qismi 'a' bandi (oʻgʻrilik) bilan jinoyat ishi qoʻzgʻatilib, qamoq ehtiyot chorasi qoʻllanilgan.


Doʻstlaringiz bilan ulashing

31 Jan 15:21
 
16
0
xs.uz

Elektron xizmat koʻrsatuvchi kompaniyalar Oʻzbekistonga qancha soliq toʻlagan?

2024-yilda Oʻzbekistonda elektron xizmatlar koʻrsatuvchi 63 ta xorijiy kompaniya jami 115,8 milliard soʻm soliq toʻladi. Bu koʻrsatkich 2023-yilga nisbatan 1,5 barobarga koʻp.Soliqlarning 99,9 foizi onlayn xizmat taqdim etuvchi yirik 10 ta xorijiy kompaniyaning hissasiga toʻgʻri keladi. Bulardan eng koʻp toʻlov amalga oshirganlar 'Meta' (41,7 mlrd), 'Google' (29 mlrd) va 'Apple' (27,3 mlrd) boʻlib qolmoqda.Ulardan keyingi oʻrinlar quyida keltirilgan:'Amazon' ' 4,1 milliard soʻm;'Boo

31 Jan 15:21
 
24
0
xs.uz

Oʻzbekistonda dollarning rasmiy kursi koʻtarildi

Oʻzbekiston Respublikasi Markaziy banki xorijiy valyutalarning oʻzbek soʻmiga nisbatan 29-yanvar kuni amalda boʻladigan qiymatini belgiladi.Unga koʻra, dollarning rasmiy kursi 11,71 soʻmga koʻtarilib, 12 974,98 soʻmni tashkil qildi.Yevro kursi 56,48 soʻmga pastlab, 13 540,69 soʻm etib belgilandi.Rossiya rubli 0,32 soʻmga koʻtarildi va 133,06 soʻmni tashkil qildi.

27 Jan 00:54
 
19
0
xs.uz

Barcha xorijiy valyutalarning soʻmga nisbatan qiymati oshdi

Oʻzbekiston Respublikasi Markaziy banki xorijiy valyutalarning oʻzbek soʻmiga nisbatan 22-yanvar kuni amalda boʻladigan qiymatini belgiladi.Unga koʻra, dollarning rasmiy kursi 9,35 soʻmga oshib, 12 984,44 soʻmni tashkil qildi.Yevro kursi 69,36 soʻmga koʻtarilib, 13 442,79 soʻm etib belgilandi.Rossiya rubli 2,27 soʻmga oshdi va 129,90 soʻmni tashkil qildi.

31 Jan 15:21
 
19
0
xs.uz

Yangi gidroenergetik quvvat ishga tushirildi

Davlatimiz rahbari tomonidan shu yil 28-yanvar kuni elektr energetikasini 2025 ' 2035-yillarda rivojlantirish chora-tadbirlari boʻyicha oʻtkazilgan yigʻilishda mamlakatimizda soʻnggi sakkiz yilda elektr ishlab chiqarish 38 foizga oshib, 81,5 milliard kilovatt soatga yetgani, xususiy sektorga keng yoʻl ochilgani tufayli 11,2 gigavattli qoʻshimcha quvvat yaratilganligi, natijada bu sektorning generatsiyadagi ulushi 24 foizga, 'yashil' energiya hissasi esa 16 foizga yetganligi qayd etildi.Ayt