Samarqand shahrida Nexia-2 rusumli avtomobil Siyob kanaliga tushib ketdi. Bu haqda viloyat IIB Yo‘l harakati xavfsizligi boshqarmasi xabar berdi.
7 iyul kuni soat 13:30 lar atrofida Samarqand shahar A.Jomiy ko‘chasida Nexia-2 rusumli transport vositasi harakatlanib kelib, avtomashinada texnik nosozlik yuzaga kelganligi sababli rul boshqaruvini yo‘qotib yo‘lning o‘ng tomonidan oqib o‘tuvchi Siyob kanaliga tushib ketib YTH sodir bo‘lgan.
Bildirilishicha, hodisa oqibatida tan jarohati olgan va vafot etganlar yo‘q. Avtomashinaga moddiy zarar yetgan. Transport vositasi FVB tomonidan kanaldan chiqarib olingan.
Hozirda Samarqand shahri bo‘yicha IIO FMB JXX YHXB tomonidan dastlabki surishtiruv ishlari olib borilmoqda.