Reper va kikboksing bo‘yicha Yevropa vitse-chempioni, Jigan nomi bilan tanilgan Denis Ustimenko-Vaynshteyn Olimpiya o‘yinlari kumush medali sovrindori va boks bo‘yicha sobiq mutlaq jahon chempioni kichik Roy Jons bilan sparring jangida qatnashadi. Bu haqda “Sport24.ru” sayti xabar berdi.
Manbaga ko‘ra, jang Moskva sport kunini nishonlash doirasida bo‘lib o‘tadi. Bundan tashqari, ko‘rgazmali jang oldidan mashq marafoni zonasida kichik Roy Jonsdan fitboks bo‘yicha ommaviy master-klass o‘tkaziladi.
“Jang oson bo‘lmaydi, axir, mutlaq chempion menga qarshi jang qiladi. Ammo yetti yoshdan boshlab qo‘llarimni ko‘tarib, boks bilan shug‘ullanganim bejiz emas, so‘nggi oy esa to‘liq tayyorgarlikka o‘tdim. G‘alaba qozonish imkoniyati bor, chunki Roy endi o‘zining eng yuqori cho‘qqisida emas. Raqibimni o‘rganish va uning texnikasini bilish uchun jangdan oldin men uning “Lujniki”da bo‘lib o‘tadigan mahorat darsiga boraman”, deydi Jigan.
Jigan va kichik Roy Jons o‘rtasidagi jang 6 iyul kuni “Lujniki”da Moskva sport bayrami sahnasida bo‘lib o‘tadi.