Kecha, 11 iyun kuni Toshkent shahrining Chilonzor tumani Cho‘ponota ko‘chasida avtokran quvurlarni almashtirish ishlari olib borilayotgan chuqurga qulab tushdi. Mazkur holat yuzasidan Sanoat xavfsizligi davlat qo‘mitasi munosabat bildirdi.
Qayd etilishicha, avtokran haydovchisi ta’mirlanayotgan teshikka juda yaqin kelgan. Uning e’tiborsizligi oqibatida ta’mirlash ishlari olib borilayotgan chuqurga yaqin borib qolgan va avtokran o‘z og‘irligi bilan sirpanib, avtokran osti asfalt yer qatlamining o‘pirilishi oqibatida avtokran bir tomonlama chuqurga tushib qolgan.
“Avtokran haydovchisi va ta’mirlash xodimlari jabrlanmagan”, deyiladi munosabatda.