Kecha, 9 iyun kuni Toshkent viloyati Yuqori Chirchiq tumanida yuk mashinasi Chirchiq daryosiga tushib ketdi. Bu haqda viloyat Yo‘l harakati xavfsizligi boshqarmasi xabar berdi.
Voqea soat 18:30 atrofida sodir bo‘lgan. Korxonalar orasida tashkil etilgan avtomobil yo‘lidagi ko‘prikda 23 yoshli haydovchi boshqaruvidagi Howo yuk mashinasi ehtiyotsizlik oqibatida daryoga tushib ketgan. Oqibatda mashinada bo‘lgan yo‘lovchi voqea joyida vafot etgan. Haydovchiga birinchi tibbiy yordam ko‘rsatilgan.
Bildirilishicha, hozirda holat yuzasidan tergov harakatlari olib borilmoqda.
Eslatib o‘tamiz, 26 may kuni Toshkent viloyatining Olmaliq shahrida Damas kanalga tushib ketgandi.