AQSH Prezidenti Jo Bayden va uning ukrainalik mavqedoshi Vladimir Zelenskiy Parijda uchrashib, Ukrainani Rossiya tajovuzkorligiga qarshi turishda qo‘llab-quvvatlash bo‘yicha muzokaralar o‘tkazdi. Bu haqda Oq uy matbuot xizmati xabar berdi. 

AQSH Prezidenti Qo‘shma Shtatlar Ukrainaga Bayden prezidentligi davrida taxminan 225 million dollarlik oltinchi harbiy yordam paketini yuborishini tasdiqladi. Yangi paketga Ukraina Qurolli kuchlari Xarkovni Rossiyaning yirik hujumidan himoya qilish uchun Rossiya ichida zarbalar berishda foydalanishi mumkin bo‘lgan o‘q-dorilar kiradi.

"Yordam HIMARS artilleriya raketa tizimlari uchun o‘q-dorilar, shuningdek, minomyot tizimlari va turli turdagi artilleriya snaryadlarini o‘z ichiga oladi", deydi rasmiylar.

Ittifoqchi qo‘shinlar fashistlar Germaniyasi armiyasiga zarba berish uchun Normandiyaga kiritilganining 80 yilligida nutq so‘zlagan Bayden hozir Rossiya bilan urushayotgan Ukraina “hukmronlikka intilayotgan zolim” tomonidan bosib olingani va demokratiya Ikkinchi jahon urushidan beri har qachongidan ham katta xavf ostida ekanini aytdi.

"80 yil oldin izolyatsiya qilish javob emas edi va bugungi kunda ham javob emas. Xato qilmang, biz boshimizni egmaymiz, tajovuzkorga taslim bo‘la olmaymiz, buni tasavvur qilib bo‘lmaydi. Agar shunday qilsak, bizning erkinligimiz tugaydi, butun Yevropa xavf ostida qoladi”, degan Prezident Kolvil-syur-Merda so‘zlagan nutqida.