Bekobod tumani IIB ekspert-kriminalistika guruhi xodimlari joriy yilning o‘tgan davri mobaynida 46 marotaba voqea joyini ko‘zdan kechirib, ashyoviy dalillar olishdi, 185 marotaba qidiruv va tergov harakatlarida qatnashishdi. 

Shu bilan birga, gumondor, jabrlanuvchi, muqaddam sudlangan, profilaktik hisobda turgan va jinoyat qilishga moyil bo‘lgan shaxslardan olingan 2680 ta qo‘l-barmoq izi daktokartalari viloyat IIBB EKM ADTT bazasiga kiritish uchun jo‘natildi. Kimyoviy, daktiloskopiya, ballistika, trasologiya, hujjatlarning texnik-kriminalistik va sovuq qurol ekspertizasi yo‘nalishlarida jami 95 ta ekspertiza xulosasi berildi. 

– Boshqa sohaviy xizmatlar bilan birgalikda doimiy ravishda o‘quv mashg‘ulotlari o‘tkazib kelinmoqda, – deydi tuman IIB EKG katta eksperti, podpolkovnik Sobirjon Nizamutdinov. – Bu kasbiy bilim va ko‘nikmalarimizni oshirishda muhim ahamiyat kasb etmoqda. 

Ekspert-kriminalistika guruhida «Ustoz-shogird» an'anasi asosida xizmatni boshlagan yosh xodimlarga tajribali xodimlar murabbiy etib biriktirilyapti. Mazkur an'ana yosh xodimlar kasb sirlarini mukammal egallashiga xizmat qilayotir. 

Mixli SAFAROV,

O‘z muxbirimiz.

Toshkent viloyati.