calendar 23 Apr 03:36
eye 58
comments 0
comments Manba: xs.uz

Namangan — Xitoy investitsiya forumi boshlandi

image
Taʼkidlash joizki, joriy yilning yanvarida davlatimiz rahbarining Xitoyga oliy darajadagi tashrifi ikki mamlakat oʻrtasidagi iqtisodiy-madaniy munosabatlarni yangi bosqichga koʻtardi. Oʻsha kunlari Namangan viloyati delegatsiyasi ham Pekin, Guandon, Shinjon, Urumchi shaharlaridagi kichik, oʻrta va yirik kompaniyalar vakillari bilan muzokaralar olib borib, 3,2 milliard dollar miqdorida kelishuvlarga erishilgan edi. Joylarda imzolangan shartnomalar ijrosiga kirishilib, yangidan-yangi natijalarga erishilmoqda. Gullar shahrida boshlangan Namangan ' Xitoy xalqaro investitsiyaviy forumi bundan uch oy avval Xitoyda belgilab olingan vazifalarning uzviy davomiga aylanishi maqsad qilingan.

Bugun ertalab xalqaro forumga viloyat markazidagi 'Barkamol avlod' sport majmuasida tashkil etilgan 'Made in Namangan' milliy mahsulotlar koʻrgazmasi bilan start berildi. Unda yengil sanoat, charm poyabzal, elektrotexnika, qurilish materiallari, oziq-ovqat va mebelsozlik sohasidagi 300 dan ortiq korxonalar 2500 dan koʻproq turdagi mahsulotlarini namoyish etishdi.

' Xitoyliklar bilan sarmoyaviy hamkorlik viloyatimizda metallurgiya sanoatining yoʻlga qoʻyilishida poydevor boʻldi, ' deydi Chust tumanidagi 'Tai Chahg special steel' MCHJ shaklidagi qoʻshma korxonasi savdo boʻlimi menejeri Nozimjon Isoqjonov. ' Birgalikda amalga oshirilgan 50 million AQSH dollari qiymatidagi yirik loyiha ijrosi bilan 'Namangan' erkin iqtisodiy zonasi hududida yiliga 300 ming tonna metallni qayta ishlash quvvatiga ega zamonaviy zavodni ishga tushirganimizga uch yildan oʻtdi. Ayni paytda bu yerda tayyorlanayotgan katanka sim, turli oʻlchamdagi armatura va yarim tayyor mahsulotlar ichki bozorni toʻldirishga xizmat qilmoqda. Yanvar oyida Xitoyda oʻtkazilgan tadbirlarda bir qator yangi mahsulotlar turlarini oʻzlashtirish boʻyicha kelishuvga erishgandik. Bugun boshlangan anjumandan ham umidimiz katta.

Forumda ishtirok etayotgan Xitoy kompaniyalari vakillari viloyatda yaratilgan biznes muhiti, tadbirkorlik subyektlari salohiyati bilan tanishib, koʻplab yoʻnalishlarda hamkorlik oʻrnatish taklifini bildirmoqdalar.

' Namanganda oʻz sohamiz boʻyicha birgalikdagi ishlab chiqarish korxonasini tashkil etish niyatidamiz, ' deydi investorlardan biri, 'Xinhmachen Elektronics Co.LTD' rahbari Yang Gu Pi. ' Unda ishlab chiqariladigan elektronika vositalari ichki bozor ehtiyojini ayni mahsulotlar bilan toʻlaroq qondirishga yoʻnaltiriladi.

Namangan tumanidagi 'Nammotors' masʼuliyati cheklangan jamiyati, Yangi Namangan tumanidagi 'Kadeer parts indistry' xorijiy, Uychidagi 'Uychi chemikal' qoʻshma korxonasi va boshqa ishlab chiqarish subyektlarining mahsulotlari ham koʻrgazma ishtirokchilari eʼtiborini tortdi. Shu kuni oʻtkazilgan V2V formatidagi uchrashuvlarda qator oʻzaro manfaatli kelishuvlar imzolandi. Shuningdek, viloyat tumanlari iqtisodiy va biznes imkoniyatlari bilan yaqindan tanishuvlarda ham yangidan-yangi takliflar oʻrtaga tashlandi.

Ikki kun davom etadigan anjuman dasturidan Namanganing iqtisodiy salohiyatini namoyish etuvchi, bundan tashqari madaniy va sayyohlik tadbirlari oʻrin olgan. Jumladan, ertaga Namangan shahridagi 'Maʼnaviyat va maʼrifat markazi'da asosiy uchrashuvlar tashkil etilib, erkin va kichik sanoat zonalari taqdimoti, viloyatda xitoylik hamkorlarga yaratib berilayotgan shart-sharoitlar haqidagi maʼlumotlar bilan tanishtiriladi. Xitoy kompaniyalari vakillarining nutqi tinglanib, ikki tomonlama hujjatlarni imzolash marosimi oʻtkaziladi. Dastlabki hisob-kitoblar, tayyorlab qoʻyilgan investitsiya paketlariga koʻra, jami 3 milliard AQSH dollaridan ziyod kelishuvlarga erishish kutilmoqda.


Doʻstlaringiz bilan ulashing

12 Apr 21:15
 
25
0
xs.uz

Uch oyda 15 mingdan ortiq oʻzbekistonlikka ipoteka kreditlari ajratildi

Unga koʻra, ajratilgan mablagʻlarning 3 trillion soʻmi Iqtisodiyot va moliya vazirligi va 1,1 milliard soʻmi tijorat banklari tomonidan taqdim etilgan. Bundan tashqari, Ipotekani qayta moliyalashtirish kompaniyasi tomonidan ham 310 milliard soʻmdan ortiq mablagʻ yoʻnaltirilgan.Shu yilning uch oyi davomida Oʻzbekistonning 15 033 nafar fuqarosi ipoteka kreditlarini olgan boʻlib, ularning 63 foizi erkaklarga berildi. 75 foiz holatda kredit oluvchilar mablagʻni yangi qurilgan uylar uchun o

12 Apr 21:16
 
29
0
xs.uz

Chirchiq davlat pedagogika universiteti tomonidan xalqaro ilmiy-amaliy konferensiya oʻtkazildi

Chirchiq davlat pedagogika universiteti tomonidan oliy taʼlim sohasidagi zamonaviy tendensiyalar, xalqaro tajribalar va innovatsion yondashuvlarni tahlil qilish, ularni milliy va xalqaro taʼlim tizimiga moslashtirish yoʻllarini muhokama qilish maqsadida 'Koʻp tarmoqli tadqiqot va taʼlimning global istiqbollari' mavzusida xalqaro ilmiy-amaliy konferensiya tashkil etildi.Xalqaro konferensiya qamrovi va geografiyasi ham ancha keng boʻldi. Xususan, xalqaro konferensiya ishida mamlakatimizdagi

20 Mar 12:54
 
56
0
xs.uz

Barcha xorijiy valyutalarning soʻmga nisbatan qiymati arzonladi

Oʻzbekiston Respublikasi Markaziy banki xorijiy valyutalarning oʻzbek soʻmiga nisbatan 20-mart kuni amalda boʻladigan qiymatini belgiladi.Unga koʻra, dollarning rasmiy kursi 9,17 soʻmga tushib, 12 926,51 soʻmni tashkil qildi.Yevro kursi 72,09 soʻmga pasayib, 14 092,48 soʻm etib belgilandi.Rossiya rubli 2,80 soʻmga tushdi va 156,00 soʻmni tashkil qildi.

20 Mar 12:50
 
47
0
postda.uz

“ҚУРАМА”ДА САЙЁР ҚАБУЛ

Миришкор тумани ИИБ бошлиғи, подполковник Ғайрат Ҳайдаров “Қурама” маҳалласида сайёр қабул ўтказди. Унда маҳалла фуқаролари томонидан турли масалаларга доир мурожаатлар тингланди. Шундан 5 та мурожаат жойида ҳал этилган бўлса, муддат талаб қилувчи мурожаатлар ижроси н