HAMAS harakatining siyosiy qanoti yetakchisi Ismoil Xoniyaning uch o‘g‘li Isroilning G‘azo sektoriga bergan zarbasi oqibatida halok bo‘ldi. Bu haqda “Al Jazeera” xabar berdi.
 
Telekanal ma’lumotlariga ko‘ra, zarba G‘azo yaqinidagi Ash-Shati qochoqlar lageriga berilgan. Zarba Isroil harbiylari tomonidan amalga oshirilgan. SAXAL bu ma’lumotga izoh bermadi.

Xoniya Ramazon hayiti bayramida qochqinlar lageriga qarindoshlarinikiga borishi chog‘ida uning uch o‘g‘li – Hazem, Amir va Muhammad hamda bir necha nevaralari otishmada halok bo‘lganini tasdiqladi.

“Uch o‘g‘lim va bir necha nevaramning shahid bo‘lishi orqali bizga bergan bu sharaf uchun Allohga rahmat aytaman”, deydi u “Al Jazeera” telekanaliga.

Ismoil Xoniya urush boshlangandan beri uning oilasining 60 a’zosi halok bo‘lganini qo‘shimcha qildi.

Ma’lumot uchun, Ismoil Xoniya 2017 yilda HAMASning siyosiy qanoti rahbari bo‘lgan edi. U Qatar poytaxti Dohada yashaydi.

Eslatib o‘tamiz, oldinroq Isroil huquq-tartibot idoralari xodimlari Ismoil Xoniyaning singlisini hibsga olgandi.