calendar 11 Apr 13:55
eye 28
comments 0
comments Manba: postda.uz

DAVLAT DASTURI – MAMLAKAT TARAQQIYOTI KAFOLATI

image

O‘z kelajagini farovon, tinch ko‘rishni xohlaydigan har bir shaxs o‘z istiqbolini oldindan rejalashtiradi, buning uchun tegishli ustuvorliklar, maqsad va vazifalarni belgilab oladi. Bugun kelajak avlodlar oldidagi yuksak mas’uliyatini anglagan har qanday davlat ham fuqarolarining munosib hayot kechirishini ta’minlash uchun ularning farovonligini ko‘zlab o‘z oldiga muayyan ustuvor yo‘nalishlarni, maqsad va vazifalarni qo‘yadi.

Davlatimiz rahbarining «O‘zbekiston – 2030» strategiyasi to‘g‘risida»gi farmonida aks etgan insonparvarlik siyosati, «inson qadri uchun» tamoyili ijrosi yo‘lidagi dadil qadamlar, yaqin kelajakda amalga oshiriladigan keng ko‘lamli islohotlar, aniq maqsad va vazifalar xalqimiz hayotiga yangicha mazmun baxsh etishi bilan ahamiyatlidir.

Xalqimizning kundalik hayotida ijobiy o‘zgarishlarga erishish bo‘yicha tizimli harakatlarni izchil davom ettirish, kambag‘allikni qisqartirish, «yashil iqtisodiyot» tamoyillariga asoslangan yuqori iqtisodiy o‘sish sur’atlarini ta’minlash, ekologik holatni yaxshilash, suv va boshqa tabiiy resurslardan unumli foydalanish standartlarini keng joriy qilish hamda xalq manfaatlariga yo‘naltirilgan boshqaruv tizimini yanada takomillashtirish, ta’lim sifatini ilg‘or xalqaro standartlarga muvofiqlashtirish, qisqa qilib aytganda, jamiyatdagi barcha sohalarni Yangi O‘zbekistonga mos ravishda yangi bosqichga olib chiqishni o‘zida mujassam etgan «O‘zbekiston – 2030» strategiyasini «Yoshlar va biznesni qo‘llab-quvvatlash yili»da amalga oshirishga oid davlat dasturi to‘g‘risida»gi Prezident farmoni mamlakatimizni kelgusida rivojlantirishning muhim ahamiyatga molik dasturilamal hujjatidir. 

Aytish joizki, dastur har bir fuqaroga o‘z salohiyatini rivojlantirish uchun barcha imkoniyatlarni yaratish, sog‘lom, bilimli va ma’naviy barkamol avlodni tarbiyalash, global ishlab chiqarishning muhim bo‘g‘iniga aylangan kuchli iqtisodiyotni shakllantirish, adolat, qonun ustuvorligi, xavfsizlik va barqarorlikni kafolatli ta’minlashga xizmat qiladi.

Davlat dasturi 5 ta yo‘nalish, 100 maqsaddan iborat bo‘lib, ushbu maqsadlarga erishish uchun 400 dan ortiq vazifani amalga oshirish ko‘zda tutilgan. Xalq bilan ochiq muloqot natijalari asosida tayyorlangan ushbu hujjatning pirovard maqsadi barcha sohalarni rivojlantirish orqali xalqimizning farovonligini oshirish va kundalik hayotidagi muammolarni hal etishni o‘z ichiga olgan.


Xususan, unda 2024-yil 1-martdan boshlab mahalla, ta’lim muassasalari, korxona va tashkilotlar tizimida mukofot jamg‘armasi 600 million so‘m miqdorida bo‘lgan xorijiy tillar bo‘yicha tanlovlar, kibersport musobaqalari va «Zakovat» intellektual o‘yinlarini yuqori saviyada tashkil etish, shuningdek, kasblar tanlovlarini o‘tkazish va unda g‘olib bo‘lgan yoshlarni o‘z hududlarida jihozlangan ustaxonalar bilan ta’minlash, oilaviy tadbirkorlik dasturi doirasida ajratilayotgan kreditlarning kamida 40 foizini yoshlar tadbirkorligini rivojlantirishga yo‘naltirish, 

2024-yil 1-iyundan boshlab «Yosh tadbirkor» tanlovlarini o‘tkazib borish bo‘yicha vazifalar belgilangan.


Prezident va ixtisoslashtirilgan maktablarning bilimlarni baholash tizimini qo‘shimcha mingta umumiy o‘rta ta’lim muassasasida joriy qilish va fanlardagi amaliy mashg‘ulotlar ulushini 60 foizgacha oshirish, shu bilan birga, 7,5 ming nafar yoshni zamonaviy kasblarga o‘qitish, xalqaro imtihon tizimlarida chet tillari bo‘yicha yuqori ball olgan 6 ming nafar yoshning imtihon xarajatlari qoplab berilishini ta’minlash, 

2024-yil 1-sentabrdan boshlab Qashqadaryo va Surxondaryo viloyatlarida tajriba-sinov tariqasida umumiy o‘rta ta’lim maktablariga olis hududlardan qatnaydigan o‘quvchilar uchun bepul avtobuslar qatnovi yo‘lga qo‘yilishi ta’lim sifati va samaradorligi yanada oshishiga xizmat qiladi.

Shuningdek, dasturda 6,7 million nafar 40 va undan katta yoshdagi aholi orasida yurak-qon tomir, qandli diabet, o‘pkaning surunkali obstruktiv kasalliklari xavfini aniqlash bo‘yicha profilaktik ko‘riklar tashkil etish, 10 million nafar aholini yugurish, futbol, voleybol, stol tennisi, shaxmat, milliy va belbog‘li kurash kabi sport turlari bo‘yicha marafon va musobaqalarni tashkil etish orqali ommaviy sportga jalb qilish choralari ko‘rilishi nazarda tutilgan.

Aholiga birlamchi tibbiy xizmatlarni yaqinlashtirish, ijtimoiy himoyaga muhtoj fuqarolarni qo‘llab-quvvatlash maqsadida 2024-yil yakuniga qadar viloyatlar markazlarida kamida bittadan og‘ir gematologik, onkologik va klinik immunologik kasalliklari bor bemorlarga palliativ yordam ko‘rsatuvchi xospislar tashkil etilish, 2024-yil 1-sentabrdan boshlab pensiya tayinlashda bir vaqtning o‘zida shaxsiy jamg‘arib boriladigan pensiya hisob varag‘idagi pulni olish bilan bog‘liq harakatlarni proaktiv tarzda amalga oshirish, nogironlikni belgilashda nogironligi bo‘lgan shaxslarga beriladigan imtiyozlar to‘g‘risida xabardor qilish tartibi joriy etilishi ham aholi manfaatlarini o‘ylab amalga oshirilayotgan islohotlarning yaqqol namunasidir.


Dasturda 2024-yilda YAIM o‘sish sur’atining 6 foizdan kam bo‘lmagan darajada bo‘lishini, investitsiyalar esa yalpi ichki mahsulot hajmiga nisbatan kamida 30 foiz bo‘lishini ta’minlash, iqtisodiyot tarmoqlarida qiymati 18 milliard dollar bo‘lgan 309 ta yirik loyihani ishga tushirish, yillik inflyatsiya darajasi 9 foizgacha bo‘lishini ta’minlash, iqtisodiyot tarmoqlariga 275 trillion so‘m kredit resurslarini yo‘naltirish, 41 trillion so‘mlik mikromoliya xizmatlari ko‘rsatish hamda banklar tomonidan taqdim etiladigan kredit stavkalarini bozor mexanizmlari asosida 2–3 foiz pasaytirish bo‘yicha aniq vazifalar belgilab qo‘yildi.


Aholining qulay tabiiy muhitga ega bo‘lishi uchun zarur shart-sharoit yaratish maqsadida 2024-yil 1-martdan boshlab hududlarda chang bo‘roni sodir bo‘layotganda va atmosfera havosida mayda dispers zarrachalari belgilangan normadan yuqori bo‘lgani aniqlanganda ushbu jarayondan aholini doimiy xabardor qilib borish amaliyotini yo‘lga qo‘yish, o‘lchami 500 metr kvadrat va undan ortiq bo‘lgan qurilish maydonlarida, unga kirib-chiqish yo‘llarida chang va qum zarrachalarining havoga ko‘tarilishini bartaraf etish bo‘yicha majburiy talablar joriy etish lozimligi belgilandi.

Shuningdek, 2024-yilda «Yashil makon» umummilliy loyihasi doirasida 200 million tup manzarali va mevali daraxt hamda butalar ko‘­chatlarini ekish, 444 ta yashil bog‘lar barpo etish, suv isrofini kamaytirish maqsadida 1,5 ming kilometr yirik kanallarni betonlash ishlarini yakuniga yetkazish bo‘yicha choralar ko‘riladi.

Bundan tashqari, Qurolli Kuchlar, sohaga mas’ul boshqa vazirlik va idoralarning kiberxavfsizlik hamda epidemiologik barqarorlikni ta’minlash bo‘yicha salohiyatini keskin oshirish maqsadida kiberxavfsizlik infratuzilmasining muhim elementlari hisoblanuvchi axborot tizimlari attestatsiyasi va ekspertizasi uchun har bir vazirlik va idorada mas’ul shaxslar javobgarligi belgilanmoqda.

Xulosa o‘rnida aytish mumkinki, mazkur davlat dasturida nazarda tutilgan maqsadlarning izchillik bilan hayotga tatbiq etilishi Yangi O‘zbekistonning har bir fuqarosi bugungi hayotidan mamnun bo‘lib, yurt taraqqiyoti va rivojiga o‘zida daxldorlik hissini tuyib yashashiga xizmat qiladi. Zero, islohotlar har birimizning amaliy ishimizga aylangan taqdirdagina muvaffaqiyat qozonamiz. 


Azizjon FAYZIYEV, 

podpolkovnik.


Doʻstlaringiz bilan ulashing

10 May 13:31
 
28
0
qalampir.uz

Kinoaktyor Mashrab Kimsanov vafot etdi

Bugun, 2 may kuni O‘zbekiston Respublikasida xizmat ko‘rsatgan artist, taniqli va iste’dodli kinoaktyor Mashrab Kimsanov 69 yoshida vafot etdi. Bu haqda O‘zbekiston Kino arboblari ijodiy uyushmasi xabar berdi. Bildirilishicha, aktyor uzoq davom etgan xastalikdan so‘ng bu yorug‘ olamni tark etgan. Qayd etish joizki, oldinroq Mashrab Kimsanov og‘ir xastalikka chalingani va to‘rtinchi insultdan keyin to‘shakka mixlanib qolgani haqida xabarlar tarqalgan edi. Ma’lumot u

11 Apr 14:02
 
39
0
xs.uz

Germaniyada “Oʻzbekiston – Ipak yoʻlining durdonasi” nomli kitob albom nashr etildi

Maqola muallifi Mixael Rossnerning qayd etishicha, fotograf Osiyo va Janubiy Amerika qitʼalarining koʻplab mamlakatlariga safar qilgan. Turli madaniyat va landshaftlarga boʻlgan yuqori qiziqish uni 2019-yilda Oʻzbekiston tomon chorladi. Sayohati davomida ushbu sehrli diyor taassurotlaridan ilhomlangan haydelberglik tadbirkor oʻzi olgan suratlarni kitob holida chop etishga qaror qiladi.Maʼlum qilinishicha, Tamara Rexenbergning 'Oʻzbekiston ' Ipak yoʻli durdonasi' kitob albomi 'abc-Verlag

10 May 13:30
 
22
0
postda.uz

YОVUZLIKNING YЕNGILISНI

Tergov izolyatorining zax va qorong‘i xonasi. Mirzaanvar Haydarov, bir tomondan, nohaq qamalgani, ikkinchi tomondan, yaqinlari qay ahvolga tushganini o‘ylab, ich-ichidan ezilardi... Qama-qamalar buhronida Toshkent shahridagi 3-sonli meva-sab­zavot ombori direktori qo‘lga olinadi. Tergov davomida o‘tkazilgan qiynoq va bosim ostida u ichki ishlar organlarining bir necha xodimiga qarshi ko‘rsatuv berishga majbur qilinadi. Ombor direktori o‘sha vaqtdagi Frunze (hozirgi Yakkasaroy)

10 May 13:30
 
25
0
postda.uz

Память и почесть – национальная ценность

Урок духовности и просветительства«…Мы все проявляем большое уважение и внимание к живущим рядом ветеранам войны и труда, людям старшего поколения, обеспечившим нынешнее благополучие и процветание Родины. Вместе с тем, мы, сколько бы ни прошло лет или десятилетий, всегда