calendar 11 Apr 13:55
eye 47
comments 0
comments Manba: postda.uz

ILM ULUG‘LAGAN INSON

image

U 1949-yil 30-martda Qoraqalpog‘iston Respublikasining Beruniy shahrida maorif fidoyilari — Rahmon­berdi Karimov hamda Rahima Alimovalar oilasida tug‘ilgan. Ziyoli oilada o‘sgan, bolaligidan ilmga chanqoq bo‘lgan qahramonimiz Toshkent shahridagi 42-sonli o‘rta maktabda o‘qib yurgan kezlaridayoq, o‘z oldiga katta maqsadlarni qo‘ygandi.  

Ta’lim dargohini kumush medal bilan tugatgach, Toshkent davlat universitetining fizika fakultetini imtiyozli diplom bilan tamomlaydi. Moskva davlat universitetining Dubna shahridagi yadro fizikasi fakultetida diplomoldi amaliyotini o‘tarkan, uning ko‘nglida yangi maqsadlar paydo bo‘ladi. 1971–1974-yillarda O‘zFA Yadro fizikasi instituti aspiranti bo‘lgan lavhamiz qahramoni 1975–1980-yillarda Yekaterinburg shahridagi Ural universitetining falsafa fakultetida sirtdan o‘qigan. 

Mehnat faoliyatini O‘zFA Yadro fizikasi instituti kichik ilmiy xodimi sifatida boshlagan Baxtiyor Karimov ilmiy xodim, katta ilmiy xodim, bo‘lim boshlig‘i lavozimlarida ishladi. 1994–1996-yillarda O‘zFA Ilmiy o‘quv markazining direktor o‘rinbosari lavozimida ishlagan 

B. Karimov 1996–2001-yillarda IIV Akademiyasining falsafa kafedrasi mudiri, il­miy-tadqiqot bo‘limi boshlig‘i, O‘zbekistonda demokratik jamiyat qu­rish nazariyasi va amaliyoti kafed­rasi mudiri sifatida faoliyat yuritdi. Ibratli ishlari hamda izla­nishdan to‘xtamasligi bilan ko‘pchilikka namuna bo‘la olgan taniqli olim O‘zbekis­ton Respublikasi Prezidenti huzuridagi Strategik va min­taqalararo tadqiqotlar instituti bo‘lim boshlig‘i ham bo‘lgan. Bundan tashqari, Vazirlar Mahkamasi huzuridagi Millatlararo munosabatlar va xorijiy mamlakatlar bilan do‘stlik aloqalari qo‘mitasidagi mas’uliyatli vazifalarda unga ishonch bildirilgan. 

B. Karimov hamon ilm olishdan to‘xtamaydi. U 2020-yilda O‘zbekiston milliy universitetining xorijiy filologiya fakultetini muvaffaqiyatli tugatgan. 2022-yilda Moskva xalqaro akademiyasi tilshunoslik va pedagogika fakulteti magistraturasini bitirib, 2023-yilda Moskvadagi Siner­giya universitetiga «Sun’iy intellekt» ixtisosligi bo‘yicha o‘qishga kirdi. Ushbu misollarning o‘ziyoq biz hikoya qilayotgan insonning qanchalar ilmga oshnoligini ko‘rsatadi. 

«Dadajonimiz juda talab­chan. Yosh avlodga har tomonlama namuna qilib ko‘rsatsak arziydi. Qo‘llari­dan haligacha kitob tushmaydi. Bir so‘z bilan aytganda, oilaparvar, mehribon inson va haqiqiy ilm fidoyisi. Bizni, nevaralarini ziyo olishdan to‘xtamaslikka muntazam chorlab keladi!» – deydi bir necha yil ichki ishlar organlarida erkin yollangan xodim sifatida ishlagan kelini Shahnoza Karimova.

B.Karimov jamiyatimizga ko'plab malakali shogirdlar yetkazib berdi. Farzandlari ham otasiga munosib bo'lish niyatida faqat oldinga intilgan. 

U turmush o‘rtog‘i Muxtabar aya bilan to‘rt o‘g‘il, bir qizni voyaga yetkazgan. Uchinchi o‘g‘li Oybek Karimov ichki ishlar organlarida xizmat qilib, Uchtepa tumani IIB boshlig‘i o‘rinbosari lavozi­midan podpolkovnik unvonida pensiyaga chiqqan. Hozirda tadbirkorlik bilan shug‘ullanadi. Qizi Umidaxon ilmiy ishlar bilan mashg‘ul bo‘lsa, qolgan farzandlari tadbirkorlik yo‘na­lishidan ketishgan.

O‘n yetti nevara, ikki nafar evaraning bobojonisi, mo‘tabar 75 yoshni qarshilash arafasida turgan taniqli o‘zbek olimi Baxti­yor Karimov hozirda O‘zFA Sharqshunoslik institutining yetakchi ilmiy xodimi sifatida faoliyatini davom ettirmoqda. 

Ha, ilmning fazilati buyuk bo‘lib, inson hayotida juda ahamiyatlidir. «Ilm insonni ulug‘laydi!» degan naql bejiz aytilmaganligiga Baxtiyor Karimov singari yetuk olimlarimizning ibratli hayoti dalil bo‘lsa, ajab emas.


Abror POYONOV,

o‘z muxbirimiz.


Doʻstlaringiz bilan ulashing

11 Apr 14:01
 
32
0
xs.uz

Xotin-qizlar bandligini taʼminlash — pirovard maqsad

Birgina 'Qoʻshchinor' mahalla fuqarolar yigʻinidagi ushbu markazga mohir chevar Hilola Nodirova rahbarlik qilib, ishsiz xotin-qizlarga tikish-bichish sirlarini oʻrgatyapti.' Markazimiz oʻtgan yilning iyun oyida tashkil etilgan. Mahalladagi hokim yordamchisi koʻmagida imtiyozli kredit asosida 4 ta tikuv mashinkasi olib, markaz faoliyatini yoʻlga qoʻydim. Ayni damda 15 nafar xotin-qizga tikish-bichish sirlarini oʻrgatyapman. Markazdan hunar oʻrganib chiqqan qizlar oʻzlari mustaqil faoliy

11 Apr 13:55
 
41
0
postda.uz

HAMKORLIKDAGI SEMINAR

Sirdaryo viloyati IIBda Jamoat xavsizligi xizmati probatsiya bo‘limi hamda Migratsiya va fuqarolikni rasmiylashtirish boshqarmasi bilan hamkorlikda seminar boʻlib oʻtdi. Unda probatsiya bo‘limi nazorati ostida jazo muddatini o‘tayotgan shaxslarga xorijga chiqish va kirish biometrik pasportlarini rasmiylashtirmaslik, bor pasportlarni aniqlash ularni o‘rnatilgan tartibda olib qo‘yish va saqlash tartibi tushuntirildi.Oʻz muxbirimiz.Sirdaryo viloyati.

11 Apr 13:55
 
37
0
postda.uz

Konditsioner o‘g‘rilari ushlandi

Jizzax shahrining "Mirzo Ulug‘bek" mahallasida yashovchi I.K. ichki ishlar organlariga murojaat qilib, “Bunyodkor” mahallasida joylashgan korxonadan qiymati 12 ming 600 AQSh dollari bo‘lgan 21 dona konditsioner o‘g‘irlanganligini bildirgan. MChJ rahbarining arizasi asosida jinoyat ishi qo‘zg‘atilib, olib borilgan tezkor qidiruv tadbirlari natijasida ushbu jinoyat Sharof Rashidov tumanining “Qahramon” mahallasida yashovchi E.U. hamda “Uchtepa” mahallasida istiqomat qiluvch

11 Apr 13:55
 
45
0
postda.uz

O‘G‘IL TANLAGAN YO‘L

Sherzodbek Ishanxanov ichki ishlar organlaridagi xizmat faoliyatini 2005-yilda Andijon shahar IIB Navbatchilik qismi haydovchisi lavozimida boshlagan. Orada Andijon davlat universitetini sirtdan tamomla­gan. Undagi xizmat qilish istagi viloyat «Dinamo» JTSJda qo‘l jangi turi bilan shug‘ullanish asnosida paydo bo‘lgan.Podpolkovnik Sh. Ishanxanov o‘tgan yillar davomida Andijon shahar va viloyat IIBlarida turli lavozimlarda samarali xiz­mat qildi. 2023-yildan hozirga qadar viloyat IIB T