calendar 07 Mar 20:14
eye 30
comments 0
comments Manba: xs.uz

Abru bahor sanʼati, adras matolar, milliy taqinchoqlar jilosi fransuzlarni oʻziga maftun etdi

image
Istam Ibrohimov/'Xalq soʻzi'. Fransiyaning Verden-syur-Garonna shahrida 'Buyuk ipak yoʻlida Oʻzbekiston boyligi' deb nomlangan oʻzbek madaniyati festivali oʻtkazildi. Ushbu mamlakatning 'MAKOSH' assotsiatsiyasi tomonidan Oʻzbekistonning Fransiyadagi elchixonasi qoʻllab-quvvatlashi va Verden-syur-Garonna shahri meriyasi hamkorligida tashkil etilgan tadbirda tarkibida musavvir, kandakor, zargar, modelyer boʻlgan bir guruh buxoroliklar ishtirok etishdi.

' Bunday festival tashkil qilish gʻoyasi 'MAKOSH' assotsiatsiyasi vakili Anna Karo tomonidan oʻrtaga tashlandi, ' deydi delegatsiya aʼzosi, 'Ipak yoʻlidagi karvonsaroylar' fransuz assotsiatsiyasining Buxorodagi filiali direktori oʻrinbosari Irina Mavlanova. ' U yurtimizga tashrif buyurib, bir necha oyni Buxoroda oʻtkazgan va koʻplab mahalliy xalq amaliy sanʼati ustalari bilan yaqindan tanishgan edi. Festival dasturi juda qiziqarli va tigʻiz kechdi. Dastlab biz uchun 80 ming aholi istiqomat qilayotgan Tarn-i-Garonna departamenti markazi sanalgan Montoban shahri meriyasida qabul marosimi uyushtirildi. Samimiy ruhda kechgan tadbirda fransuz ' oʻzbek xalqlarining hamkorlik aloqalari tobora mustahkamlanayotgani alohida eʼtirof etildi. Oʻz navbatida, hunarmandlarimiz toʻplanganlarni oʻz faoliyatlari bilan tanishtirdilar.

Ikkinchi bir shunday uchrashuv Tijorat palatasida boʻlib oʻtdi. Bu yerda hamyurtlarimiz fransuz tadbirkorlarining oʻz faoliyatlarini ravnaq toptirish uchun qanday qoʻllab-quvvatlanishadi, biznesdagi tavakkalchilik, bunda nimalarni hisobga olish kerak, degan bir qator savollarga toʻlaqonli javob oldilar.

' Bolalar markazidagi uchrashuv ayniqsa, qiziqarli oʻtdi, ' deydi zargar Shodmon Saidmurodov. ' Qatnashchilar Oʻzbekiston xaritasini, hunarmandchilik mahsulotlarimizni katta qiziqish bilan tomosha qildilar. 'Abru bahor' sanʼati usulida ishlangan rang-barang suratlar, adras matolar jilosi, milliy taqinchoqlarimiz, laganlarda aks etgan betakror manzaralar ularni tamoman oʻziga maftun etdi.

Verden-syur-Garonnadagi ijod markazida festivalning rasmiy ochilish marosimi boʻlib oʻtdi. Unda soʻz olganlar mehmondoʻst Oʻzbekistonda milliy qadriyatlar asrab-avaylab kelinayotgani, bugungi koʻrgazma Buyuk Ipak yoʻli yoqasida joylashgan bu serquyosh yurtning boy madaniy-maʼnaviy merosidan darak berishini taʼkidladilar. Sharq shirinliklari, xususan, oʻzbek milliy taomi-palovdan tatib koʻrgan tadbir ishtirokchilari buxoroliklar uchun bir necha joyda savdo-koʻrgazma ham tashkil qildilar.

'MAKOSH' assotsiatsiyasi tomonidan mehmonlar uchun qiziqarli dastur tuzilganini ham eʼtirof etish joiz. Chunonchi, delegatsiya aʼzolari 'Chateau de Caze' deb nomlangan qadimiy vinochilik maskanida, shuningdek, fransuz xonadonida uyushtirilgan pishloq tatib koʻrish marosimida qatnashdilar. Fransuz oshxonasi va farang oilaviy muhiti bilan tanishdilar. Tuluza shahriga sayohat tashkil этилди.Фестивал yakunida esa Montoban shahri meriyasi yurtdoshlarimizni bu yerda oʻtkazilayotgan Xitoy chiroqlar festivali tomoshasiga taklif qildi. Gap shundaki, oʻziga xos shouni Chin yurtidan kelgan 100 nafar usta toʻrt oy davomida 50 ming kvadrat metr ipak mato va 2500 ta chiroqdan foydalanib tayyorlagan. Bu hamda yurtdoshlarimiz ishtirokidagi qator tadbirlar Buyuk Ipak yoʻli yoqasida joylashgan oʻlkalar va xalqlarning asl maqsad-muddaosi doʻstlik, hamkorlik rishtalarini mustahkamlashdan iborat ekanining yaqqol dalili boʻldi.


Doʻstlaringiz bilan ulashing

07 Mar 20:09
 
48
0
qalampir.uz

“Alovuddin” va “Qirol sher” kabi multfilmlarning animatori vafot etdi

“Alovuddin”, “Qirol sher”, “Mulan”, “Super oila” va “Koralina” kabi film qahramonlari uchun loydan maketlar yasagan animatsion haykaltarosh Kent Melton 68 yoshida hayotdan ko‘z yumdi. Bu haqda “The Hollywood reporter” nashri xabar berdi. Ma’lum qilinishicha, Melton 22 fevral kuni Amerikaning Missuri shtatida joylashgan uyida vafot etgan.  Ma’lumot uchun, Melton Missuri shtatining Springfild shahrida

11 Apr 13:58
 
19
0
qalampir.uz

Kichik Berdimuhamedov ikkinchi kitobini ham yozib tugatdi

Turkmaniston Prezidenti Serdar Berdimuhamedov o‘zining ikkinchi – “Anau – ming yillar ilgarigi madaniyat” kitobini yozdi. U bu haqda bugun, 24 mart kuni bo‘lib o‘tgan Vazirlar Mahkamasi yig‘ilishida ma’lum qildi. Davlat rahbarining so‘zlariga ko‘ra, kitob 2023 yil noyabr oyida TURKSOY tomonidan Anau shahri “Turk dunyosining madaniy poytaxti”, deb e’lon qilingani munosabati bilan yozilgan. Berdimuhamedov shaharda turkman xalqining eng qadi

07 Mar 20:14
 
35
0
xs.uz

“Men qolmayman hech vaqt benavo...”

Oʻzining otashin va falsafiy sheʼrlari, Bedil-u Pahlavon Mahmuddan qilgan mumtoz tarjimalari bilan adabiyot boʻstoni koʻrkiga koʻrk qoʻshgan ijodkor, koʻplab qalblardan joy egallagan shoir Matnazar Abdulhakim bugun hayot boʻlganida 76 yoshga toʻlgan boʻlardi.Shoir boshqa maslakdoshlaridan farqli oʻlaroq poytaxtga kelmasdan viloyatda ' Xorazmda yashab, ijod qilganiga qaramay ovozi Toshkentda ham jaranglab turgan. Bugun shoir nainki Xorazm, balki Oʻzbekiston, turkiy olam adabiyot muhib

07 Mar 20:07
 
33
0
postda.uz

Эътиборсизлик ёки...

У қизини мактабга олиб бориш учун одатдаги вақтда уйидан чиқди. Нимагадир машина ўт олмади. Балки ёқилғиси тугагандир. Ҳособ-китоби бўйича камида 15 литр бензин бўлиши керак эди. Бензин кўрсаткичи ҳам буни тасдиқлайди... Бир неча марта бўлган уринишлари беҳуда кетгач,