Margʻilon shahar musiqali maqom teatri tomonidan Nurillo Abbosxon ssenariy muallifligida rejissyor Doston Haqberdiyev tomonidan sahnalashtirilgan spektakl oʻziga xos sahna bezaklari, Alisher Navoiy gʻazaliga bagʻishlangan mumtoz kuy-qoʻshiqlari bilan tomoshabinni oʻsha davr adabiy muhiti bilan yaqindan tanishtirdi. Boʻlajak ijodkorlar esa Alisher Navoiy ijodiy olami bilan yaqindan tanishish imkoniga ega boʻlishdi.



' Prezidentimiz Respublika Maʼnaviyat va maʼrifat kengashining yaqinda boʻlib oʻtgan kengaytirilgan yigʻilishida mehnat jamoalarida har oyning bir kunini Teatr kuni sifatida belgilash tashabbusini ilgari surgan edi, ' deydi Ijod maktabi direktori Nigora Mannopova. ' Shu tashabbus asosida, qolaversa, qutlugʻ sana munosabati bilan ushbu spektakl namoyish etildi.

Viloyatdagi 5 ta teatr ijodiy jamoasi bilan hamkorlikda maktab oʻquvchilari uchun koʻngilochar tomoshalar va teatr jamoalari bilan ijodiy muloqotlar oʻtkazib borish belgilandi.

Botir MADIYOROV, 'Xalq soʻzi'.