calendar 09 Feb 12:05
eye 40
comments 0
comments Manba: xs.uz

Senatorlar fuqarolarning ijtimoiy himoyasini yanada kuchaytirishga qaratilgan Qonunni maʼqulladi

image
Senatning elliginchi yalpi majlisida 'Oʻzbekiston Respublikasining ayrim qonun hujjatlariga fuqarolarning ijtimoiy himoyasini yanada kuchaytirishga qaratilgan oʻzgartirish va qoʻshimchalar kiritish toʻgʻrisida'gi Qonun muhokama qilindi.

Taʼkidlanganidek, mamlakatimizda keksalarni va mehnatga layoqatsiz shaxslarni ijtimoiy himoya qilishni kuchaytirishga qaratilgan islohotlar bosqichma-bosqich amalga oshirilmoqda. Jumladan, pensiya tayinlash tartib-taomillari soddalashtirilmoqda va raqamlashtirilmoqda, ortiqcha byurokratik toʻsiqlar bartaraf etilib, pensiya taʼminoti tizimida davlat xizmatlari koʻrsatish sifati tubdan yaxshilanmoqda.



Shu bilan birga, fuqarolarga pensiya tayinlashda inson omilini kamaytirish, keksalarga, nogironligi boʻlgan va boquvchisini yoʻqotgan shaxslarga davlat xizmatlarini koʻrsatish sifatini yanada oshirish talab etilmoqda.

Ushbu Qonun bilan 'Ijara toʻgʻrisida'gi Qonunga ijarachining nogiron boʻlib qolganligi ijara shartnomasini tugatish uchun asos boʻlishini bekor qilishni nazarda tutuvchi oʻzgartirishlar kiritilmoqda.



Shuningdek, 'Fuqarolarning davlat pensiya taʼminoti toʻgʻrisida'gi Qonunda pensionerga hisoblangan, lekin uning tomonidan talab qilib olinmagan pensiya summasini toʻlash muddatini oʻn ikki oydan yigirma toʻrt oygacha uzaytirish nazarda tutilmoqda.

Qonunda pensiyaning eng kam miqdori eng kam isteʼmol xarajatlari darajasidan oz boʻlmasligini belgilash, pensiyalar miqdorlarini yil davomida tovarlar va xizmatlarning isteʼmol narxlari indeksi darajasining oʻsish surʼatlarini inobatga olgan holda oshirib borish tartibi, shuningdek, mahkumlarning ozodlikdan mahrum qilingan davrda amalga oshirgan faoliyati davrini pensiya olish huquqini beradigan faoliyat turi sifatida hisobga olishga doir talab ham belgilanmoqda.



Bundan tashqari, 'Fuqarolarning jamgʻarib boriladigan pensiya taʼminoti toʻgʻrisida'gi Qonunga fuqaroda davlat pensiya taʼminoti huquqi yuzaga kelganligi toʻgʻrisida Pensiya jamgʻarmasi tomonidan Xalq bankiga axborot tizimi orqali elektron shaklda yuboriladigan maʼlumotlar fuqaroning pensiya toʻlovlarini olishi uchun asos boʻlishini nazarda tutuvchi oʻzgartirishlar kiritilmoqda.

Senatorlarning taʼkidlashicha, Qonun Yangi Oʻzbekistonning ijtimoiy davlat prinsipini amalga oshirishga qaratilgan boʻlib, pensionerlarning moddiy farovonligini yanada yuksaltirishga, fuqarolarning elektron davlat xizmatlarini mustaqil ravishda olish imkoniyatlarini kengaytirishga, pensiya miqdorini qayta hisob-kitob qilishda inflyatsiya darajasini hisobga olish tizimini joriy etishga, nogironligi boʻlgan shaxslarning ijara munosabatlariga oid huquqlarini yanada mustahkamlashga xizmat qiladi.

Muhokama yakunida mazkur Qonun senatorlar tomonidan maʼqullandi.


Doʻstlaringiz bilan ulashing

07 Mar 20:13
 
51
0
xs.uz

“Oʻzbekiston – Turkmaniston” erkin savdo zonasi tashkil qilinadi

Qarorga koʻra, Xorazm viloyati Shovot tumanida tovarlarni saqlash, saralash, sotish, transport va boshqa zamonaviy xizmatlar infratuzilmasini tashkil etish uchun 'Oʻzbekiston ' Turkmaniston' erkin savdo zonasi tashkil qilinadi.Savdo zonasida:' zamonaviy texnologiyalar asosida mahsulotlarni qabul qilish, saqlash va saralash xizmatlari koʻrsatiladi;' 'yagona darcha' va interaktiv mexanizmlar asosida bojxona, soliq, sertifikatlash, fitosanitariya, veterinariya, transport xizmatlari, mavjud infra

07 Mar 20:11
 
44
0
qalampir.uz

Maktabga kirmoqchi bo‘lgan Milliy gvardiya xodimi soxta bo‘lib chiqdi

Joriy yilning 5 mart kuni Sirdaryo viloyati Guliston shahrida joylashgan 8-sonli maktabda soat 15:30 atrofida Milliy gvardiya xodimini maktab qorovuli kirish joyida to‘xtatgan. Ushbu shaxs Guliston shahrida joylashgan 16-sonli maktabning 11-sinf o‘quvchisi U.X. ekanligi aniqlangan. Bu haqda Milliy gvardiya matbuot xizmati xabar berdi. Ma’lum bo‘lishicha, u soxta guvohnomani ko‘rsatib, maktabga kirishi kerakligini aytgan. Maktab ma’muriyati ham ushbu shaxsni muqaddam uchratmagani v

07 Mar 20:12
 
48
0
xs.uz

Yaqinda Zulfiya mukofoti bilan taqdirlangan Meruyert Omonboyeva masʼul lavozimga tayinlandi

Nurota tumanidagi 'Qosemqaji Meruyert' MCHJning direktori Meruyert Omonboyeva Prezidentimizning 2024-yil 4-martdagi 'Zulfiya nomidagi Davlat mukofoti bilan taqdirlash toʻgʻrisida'gi qaroriga koʻra ushbu mukofot bilan taqdirlangandi.Kuni kecha u Savdo sanoat palatasining Navoiy viloyati boshqarmasi boshligʻi etib tayinlandi.M. Omonboyeva palata boshqarmasi boshligʻi etib tayinlangan ilk ayol hisoblanadi.

08 Mar 12:58
 
40
0
qalampir.uz

O‘zbekistonning Vengriyadagi birinchi elchisi tayinlandi

O‘zbekiston Respublikasining yangi tayinlangan Favqulodda va muxtor echisi Oybek Shaxavdinov kecha, 7 mart kuni Vengriya poytaxtiga bordi. Bu haqda "Dunyo" axborot agentligi xabar berdi. Oybek Shaxavdinov Budapeshtga tayinlanishidan oldin TIVning Yevropa mamlakatlari va Yevropa Ittifoqi institutlari bilan hamkorlik boshqarmasi boshlig‘i lavozimida ishlagan. 46 yoshli diplomat Birmingem universiteti (Buyuk Britaniya), Toshkent davlat yuridik universiteti (magistratura), Moskva